Ұлы бейсенбіде – Евхаристия құпиясы орнатылған күні – митрополит Александр Алматының басты ғибадатханасында Литургияны өткізді

9 сәуір 2026 жыл -  Қасиетті аптадағы Ұлы бейсенбі. Бұл күні шіркеулік құлшылықта Құтқарушы Мәсіхтің өміріндегі төрт аса маңызды оқиға еске алынады: Иеміз Евхаристия құпиясын орнатқан Құпия кеш; шәкірттеріне деген терең кішіпейілділік пен сүйіспеншіліктің белгісі ретінде олардың аяқтарын жууы; Гефсимания бағындағы дұғасы және Иуда арқылы Иса Мәсіхтің азап пен өлімге сатылуы.

Ұлы бейсенбі Литургиясының ерекшелігі – Херувим әнінің орнына үш рет: «Бүгін, Уа, Құдай Ұлы, мені Өзіңнің құпия кешіңнің қатысушысы ете гөр, өйткені мен Сенің құпияңды жауларыңа ашпаймын, Иуда сияқты сүйіп сатпаймын, бірақ қарақшы сияқты: “Мені еске ал, Ием, Өз Патшалығыңда” деп мойындаймын» деген дұғаның айтылуы. Бұл ән дұға Қасиетті Құпияларға қатысу кезінде және «Аузымыз толсын» дұғасының орнына да бірнеше рет орындалады.

Бұл ән Қасиетті Құпияларға қатысу кезінде, сондай-ақ «Аузымыз толсын» дұғасының орнына да бірнеше рет орындалады. Ұлы бейсенбідегі Інжіл оқылымы Құпия кеш оқиғалары, Мәсіхтің Гефсимания бағындағы дұғасы, Оның тұтқындалуы және Құтқарушының бас діни қызметкерлер Анна мен Қаяфаның алдында сотталуы туралы баяндайды және бірнеше бөлімнен тұрады (Мф. 26:1–20; Ин. 13:3–17; Мф. 26:21–39; Лк. 22:43–45; Мф. 26:40–75; Мф. 27:1–2).

Астана және Қазақстан Митрополиті Александр Алматы қаласындағы Вознесенский кафедралды соборында әулие Ұлы Василийдің Құдайлық Литургиясын өткізді.

Қазақстандағы Православие Шіркеуінің Басшысына қызмет еткендер: архимандрит Иосиф (Еременко), Вознесенск кафедралдық соборының кілтшісі, Митрополиттік округтің қоғаммен байланыс бөлімінің жетекшісі протоиерей Александр Суворов, игумен Онисим (Тульников), Митрополитік округ басшысының жеке хатшысы иеромонах Димитрий (Байдек), митрополит хатшылығының жетекшісі иеромонах Прохор (Ендовицкий), протоиерей Алексий Федоренко, Митрополитік округ басшысының әкімшілік хатшылығының жетекшісі иерей Георгий Сидоров, протодиакон Николай Гринкевич, митрополиттің хаттама қызметінің жетекшісі протодиакон Роман Головин, протодиакон Владимир Сыровацкий, диакон Андрей Плетень, диакон Виталий Быструшкин, иеродиакон Софоний (Мазуренко), диакон Александр Пивень, диакон Иоанн Жучков, диакон Георгий Ткаченко және диакон Даниил Пасюк.

Әндерді Митрополиттік округтің хоры (регенті – Ресейдің еңбек сіңірген өнер қайраткері О.Н. Овчинников, хормейстері – В. Дударева) және Вознесенск соборының хоры (регенті – Е. Богуславец) орындады.

Қасиетті өлеңнен кейінгі уағызды архимандрит Иосиф (Еременко) оқыды.

Литургия соңында митрополит Александр жиналған қауымға архипастырлық уағызын айтып, Қасиетті Христос Құпияларын қабылдағандарды құттықтады.