Қазақстан православие азаматтары Одағының төрағасы Константин Дмитриевич Бялыницкий-Бируля Иеміздің құзырына өтті

4 мамыр 2026 жыл. Алматы. Ауыр науқастан кейін 59 жасында белгілі қоғам қайраткері – Қазақстан православие азаматтары Одағының төрағасы Константин Дмитриевич Бялыницкий-Бируля Иеміздің құзырына өтті.

Қазақстан Православие Шіркеуінің басшысы, Астана және Қазақстан митрополиті Александр Алматыдағы резиденциясындағы Иверско-Серафимовский үй храмында жаңадан дүние салған Құдай құлы Константинге арнап лития жасады.

Иерарх марқұмның туған-туыстары мен жақындарына көңіл айту жеделхатын жолдады:

«Иеміз оның жанын Христостың Пасхасының нұрлы күндерінде Өз мекендеріне қабылдады. Бұл – көрінетін әрі көрінбейтін әлем, періштелер мен адамдар Мәсіхтің өлімді жеңгенін тойлайтын ерекше уақыт. Осы жағдайдан біз белгілі қоғам қайраткерінің, берік православие христианының, еңбекқор әрі мейірімді адамның жердегі өмірінің аяқталуына берілген игі белгіні көреміз. Қазақстан Православие Шіркеуінде оның христиан сенімі мен дәстүрлі мәдениетті насихаттауға, Оңтүстік астана тұрғындарын әлеуметтік қолдауға, деструктивті күштерге қарсы тұруға және шіркеу бірлігі үшін күреске бағытталған көпжылдық қажырлы еңбегі жоғары бағаланады. Константин Дмитриевич өмірін арнаған асыл істі оның ізбасарлары табысты жалғастырады деп үміттенемін. Сіздердің қайғыларыңызды шын жүректен бөлісе отырып және көңіл айту сөздерін білдіре отырып, жаңадан дүние салған Константиннің әділ жандар мекенінде тыныштық табуы үшін дұға етемін. Ол жерде, Қасиетті Шіркеу куәлік еткендей, «ауру да, қайғы да, күрсіну де жоқ, тек мәңгілік өмір бар». Оның жарқын рухы мен игі есімі мәңгі есімізде.