Қазақстан Православие Шіркеуінің Басшысы Қасиетті Үштік Сергий лаврасында қажылықта болды

9 маусым 2026 жыл. Сергиев Посад. Астана және Қазақстан митрополиті Александр Қасиетті Үштік Сергий лаврасында қажылықта болды.

Қазақстан Православие Шіркеуінің Басшысын қажылық сапарында бірге алып жүргендер: Қазақстанның еңбек сіңірген қайраткері, Ресейдің еңбек сіңірген өнер қайраткері, Патриархтың орыс шіркеулік ән өнерін дамыту жөніндегі кеңесінің мүшесі, Митрополиттік округтің хатшысы О.Н. Овчинников; Алматы рухани семинариясының проректоры, теология ғылымдарының кандидаты, медицина ғылымдарының докторы, профессор, игумен Агафангел (Гагуа); хаттама қызметінің жетекшісі протодиакон Роман Головин; Ресей Федерациясы Үкіметі Төрағасы орынбасарының хатшылығы басшысының орынбасары Н.В. Паршикова; митрополиттің көмекшісі И.Е. Яценко.

Лавраға келгеннен кейін митрополит Қасиетті Троицк соборында сақталған Ресей жерінің игумені – Радонеждік қасиетті Сергийдің қасиетті жәдігерлері алдында дұға қызметін жасады. Иерарх Серапион палатасы мен Никоновск қосалқы храмында сақталған көптеген қасиетті жәдігерлер мен Құдайдың әулиелерінің мүрделеріне тағзым етті. Олардың қатарында қасиетті апостол Андрей Первозванныйдың, алғашқы азап шегуші архидиакон Стефанның жәдігерлері, Құдай Анасының киімінің бір бөлігі, Иеміздің Қабірінен алынған тас және Ростовтық әулие Исаияның бас сүйегі бар.

Ғибадатхананың қасиетті орындары алдында архипастырь Митрополиттік округтің епископтары, дін қызметкерлері, монашестволық қауымдары мен миряндары үшін, сондай-ақ Қазақстанның бейбітшілігі мен өркендеуі үшін ерекше дұғалар бағыштады.

Лавра қабырғасында иерарх Орал епархиясының қажылар тобымен кездесіп, сұхбаттасты.