Оңтүстік астанада отбасылық құндылықтарға арналған протоиерей Алексий Батаноговпен кездесу өтті

1 сәуір 2026 жыл. Алматы. Астана және Қазақстан митрополиті Александрдың батасымен Никольский соборы жанындағы шіркеулік жиналыстар залында протоиерей Алексий Батаногов пен оның зайыбы Ия Батаноговамен кездесу өтті.

Алексий Батаногов әке -  белгілі уағызшы, публицист, «Спас» және «Союз» телеарналарының сарапшысы, Мәскеудегі Новогиреевода орналасқан қасиетті апостолдарға тең кінәз Владимир храмының басшысы.

Кездесуге қатысқандар: Алматы храмдарының құрметті өкілі, Никольский соборының басшысы протоиерей Валерий Захаров; Алматыдағы Құдай Анасының «Барлық қайғырғандарға Қуаныш» иконасы құрметіне арналған храмның басшысы протоиерей Евгений Воробьев; Христорождество соборының кілтшісі протоиерей Александр Гайченя; Богоявление храмының басшысы протоиерей Валерий Шаврин; Қазақстан православ дәрігерлері қоғамының төрағасы протоиерей Анатолий Измеров; Алматының Орталық жексенбілік мектебінің директоры Г.В. Черепанова; қала дін қызметкерлері, Алматы рухани семинариясының оқытушылары мен студенттері, сондай-ақ Оңтүстік астана храмдарының прихожандары.

Әңгіме барысында протоиерей Алексий Батаногов христиандық некені қалыптастыру және сақтау, балаларды тәрбиелеу, сондай-ақ қазіргі әлем жағдайындағы православ христианының рухани өміріне қатысты өзекті мәселелерді қозғады.

Сөзінің соңында Алексий әке мен Ия ана жиналғандармен өздерінің өмірлік әрі рухани тәжірибелерімен бөлісіп, кейін қатысушылардың сұрақтарына жауап берді.

Бұған дейін, 31 наурыз күні, протоиерей Алексий Батаногов Алматы рухани семинариясының студенттерімен христиандық неке мен отбасылық өмір мәселелеріне арналған кездесу өткізген болатын.