Алматыдағы Орталық жексенбілік мектепте славян жазуы күніне арналған концерт өтті

24 мамыр 2026 жыл. Алматы. Астана және Қазақстан митрополиті Александрдың батасымен Никольский соборы жанындағы Шіркеу жиналыстары залында славян жазуы күніне арналған концерт өтті.

Іс-шара Қазақстан Республикасындағы Россотрудничество өкілдігінің қолдауымен Орталық жексенбілік мектептің педагогтары мен тәрбиеленушілері тарапынан дайындалды.

Мерекенің қонақтары қатарында болғандар: Қазақстан Республикасындағы Россотрудничество өкілдігінің жетекшісі М.С. Симакова, Орталық жексенбілік мектептің директоры Г.В. Черепанова, Оңтүстік астана храмдарының дін қызметкерлері мен прихожандары, мектеп тәрбиеленушілері және оқушылардың ата-аналары.

Мерекелік іс-шара басталар алдында жиналған қауымға арнап М.С. Симакова құттықтау сөз сөйледі.

Көрермендерге би қойылымдары, музыкалық театрландырылған көріністер, орыс ақындарының өлеңдері, халықтық және рухани әндерден құралған жарқын концерттік бағдарлама ұсынылды.

Концерт соңында Г.В. Черепанова өнер көрсетушілерге еңбектері үшін алғысын айтып, барлық қатысушыларды славян жазуы күнімен құттықтады.

Мерекенің жалғасы Никольский соборының аумағында өтті. Мұнда балаларды шіркеу-славян тілі мен қолөнер бойынша шеберлік сабақтары, байқаулар, тақырыптық ойын-сауықтар мен түрлі ойындар күтті.

Іс-шара соңында балаларға Қазақстан Республикасындағы Россотрудничество өкілдігінен кітаптар мен шығармашылыққа арналған жиынтықтар табыс етілді.