Өскемен және Семей архиепископы Амфилохийге «Өскемен қаласының құрметті азаматы» атағы берілді

24 маусым 2025 жылы қасиетті шейіт Александр Дагаев атындағы Өскемен епархиясының рухани-мәдени және әкімшілік орталығының ғимаратында 

Өскемен және Семей архиепископы Амфилохийдің Өскемен қаласының әкімі А.Т. Ақышовпен жұмыс кездесуі өтті.

Кездесуге қатысқандар: Православие Шіркеуі тарапынан– Өскемен шіркеу округінің құрметті өкілі иеромонах Силуан (Магилев), Андреевский соборының кілтшісі иеромонах Никодим (Авдеев), Өскемен епархиясының хатшысы диакон Илия Кван және епархия басқармасының қызметкерлері; зайырлы билік тарапынан – Өскемен қаласы әкімінің орынбасары И.Ф. Смит, Өскемен қалалық ішкі саясат бөлімінің басшысы Р.А. Ахметжанов, қала әкімдігінің қызметкерлері қатысты.

Архиепископ Амфилохийді қарсы ала отырып, Алмат Талғатұлы иерархты туған күнімен құттықтап, Шығыс Қазақстандағы конфессияаралық диалогты ілгерілетудегі және қоғамдағы бейбітшілік пен тұрақтылықты сақтаудағы оның маңызды рөлін атап өтті.

Кездесу барысында қалалық атқарушы билік басшысы Өскемен епархиясының басшысына «Өскемен қаласының Құрметті азаматы» құрмет грамотасы мен төсбелгісін табыс етті. Құжаттағы анықтамаға сәйкес, бұл құрметті атақ архиепископ Амфилохийге Рудный Алтай астанасының рухани-адамгершілік дамуына қосқан үлесі үшін берілді.

Иерарх Өскемен қаласы әкімдігіне этносаралық және конфессияаралық тұрақтылықты нығайту жөніндегі жұмысы және қоғамдағы дәстүрлі рухани-адамгершілік құндылықтарды сақтауға бағытталған епархия жобаларын қолдағаны үшін алғысын білдірді.

Жоғары Мәртебелі Алмат Талғатұлына Киелі Кітаптың қазақ тіліне аударылған көшірмесін сыйға тартты. Достық жағдайда өткен кездесу соңында тараптар бір-біріне ізгі тілектерін білдіріп, қала басшылығы мен Өскемен епархиясы Рудный Алтай тұрғындарының игілігі үшін игі ынтымақтастықтың одан әрі  жалғаса беретініне сенім білдірді.

Қазақстан Православие Шіркеуінің Басшысы Астана және Қазақстан митрополиті Александр телефон арқылы сөйлесуінде епископ Амфилохийді алған атағымен құттықтап, оған зор денсаулық пен Құдайдың мейіріміне бөленуді тіледі.