Алматыда Қазақстан Митрополиті Басшысының Грузияның жаңадан тағайындалған елшісі Леван Дисамидземен кездесуі өтті

24 қараша 2025 жыл. Алматы. Митрополит Иосиф (Чернов) атындағы Қазақстан Митрополиттік округінің рухани-мәдени және әкімшілік орталығының камин залында Астана және Қазақстан митрополиті Александрдың Грузияның Қазақстандағы жаңадан тағайындалған Төтенше және Өкілетті Елшісі Леван Дисамидземен кездесуі өтті.

Кездесуге қатысқандар:  Астана епархиясының викарийі Талдықорған епископы Клавдиан; Қазақстан Митрополиттік округінің хатшысы, Ресейдің еңбек сіңірген өнер қайраткері, шіркеу ән өнерін дамыту жөніндегі Патриархалдық кеңестің мүшесі О.Н. Овчинников; архимандрит Гавриил (Тутберидзе) – Алматы епархиясының грузин диаспорасына қамқорлық жасайтын пастор; Алматыдағы Иверско-Серафимовский монастырінің басшысы игумения Любовь (Якушкина); грузин диаспорасының өкілдері.

Митрополит Александр Леван Дисамидзені Төтенше және Өкілетті Елші қызметіне тағайындалуымен құттықтап, оның еңбегіҚазақстан мен Грузия арасындағы саясат, экономика және мәдениет салаларындағы қарым-қатынастарды одан әрі дамытуға септігін тигізсін деп тілегін білдірді.

Қонақ митрополитпен өзінің өмірбаянындағы кейбір деректермен бөлісті, Грузия Республикасының Сыртқы істер министрлігіндегі қызметі, Германия, Австрия және Молдовадағы дипломатиялық қызметі туралы әңгімеледі.

Сұхбаттасушылар бүгінгі таңда Қазақстан бүкіл әлемде өркениетаралық, дінаралық және ұлтаралық диалогтың үлгісі болып табылатынын атап өтті. Оған Республика астанасында өткен бірегей форум - елдер мен халықтардың жаһандық мәселелерін шешудің тиімді диалог алаңы деп атауға болатын әлемдік және дәстүрлі діндер лидерлерінің Съезі дәлел болды.

Архипастор елшіге биыл айтулы күн – Митрополит округінің канондық-құқықтық мәртебесінің бекітілгеніне 15 жыл толып отырған Қазақстан Православие Оіркеуінің өмірі туралы әңгімеледі. Билеуші  митрополиттің айтуынша, биылғы жылдың басты оқиғасы Жоғары Басшының Мәскеу және Бүкіл Ресей Әулие Патриархы Кириллдің Астанаға сапары болды.

Иерарх Қазақстандағы Православие Шіркеуі қызметінің басым бағыттары тұрақты рухани-адамгершілік құндылықтарды сақтау, дінаралық татулық пен ұлтаралық келісімді орнату мақсатында шіркеу институттары, мемлекеттік құрылымдар, дәстүрлі конфессиялар, қоғамдық бірлестіктер мен дипломатиялық өкілдіктер арасындағы өзара іс-қимыл мен ынтымақтастықты нығайту болып табылатынын және болып қала беретінін атап өтті. Митрополит Александр қоғамның және әсіресе өскелең ұрпақтың рухани-адамгершілік жағдайына үлкен көңіл бөлетін Қазақстандағы мемлекеттік-конфессиялық және дінаралық диалогты дамытудағы Республика Президенті Қасым-Жомарт Тоқаевтың біріктіруші рөлін ерекше атап өтті.

Митрополит округінің Басшысы Иверияның киелі жерлеріне қажылыққа бару және бүкіл Грузияның Католико-Патриархы Илья II-мен кездесулері туралы жақсы естеліктерімен бөлісті. Архипастор Қазақстан Митрополиттік округіне Қасиеттінің сыйға тартқан ерекше жәдігері — Алматыдағы Вознесенский кафедралды соборында сақталған және үлкен мерекелер кезінде киетін елшілерге тең әулие Нина крестінің көшірмесі туралы айтты.

Жоғары Мәртебелі Қазақстандағы православие тарихына шолу жасап, 1906-1912 жылдар аралығында соборда өзінен бұрынғы жетекшілерінің бірі Түркістан және Ташкент епископы Димитрий (Абашидзе) әулиелердің арасында құрметті конфессор схиархиепископ Антоний ретінде даңқталғанын атап өтті.

Кездесу барысында Грузиядағы киелі жерлерге қазақстандық қажылықтарды дамыту және өзара қызығушылық тудыратын басқа да мәселелер талқыланды.

Достық жағдайда өткен кездесу қорытындысында тараптар игі істері мен бастамаларына сәттілік тіледі. 

Митрополит Александр елшіге қарағандылық құрметті конфессор Севастианның белгішесін және Митрополит округінен алынған кітаптарды сыйға тартты.