Алматыдағы Вознесенский кафедралды соборында Митрополитік округінің Басшысы Кешірім ету рәсімімен Ұлы кешкі құлшылықты өткізді

22 ақпанда 2026 жылы  Ұлы пост қарсаңында, Алматы қаласындағы Вознесенский кафедралды соборында Астана және Қазақстан митрополиті Александр Кешірім ету рәсімімен Ұлы кешкі құлшылықты өткізді.

Қазақстан Православие Шіркеуінің Басшысына қызмет еткендер: Астана епархиясының викарийлері – Қазақстан Митрополитік округінің істері басшысы Каскелең епископы Геннадий және Талдықорған епископы Клавдиан; Оңтүстік астана приходтарының құрметті өкілі, Никольский соборының басшысы протоиерей Валерий Захаров; Алматы епархиясының рухани әкесі архимандрит Иоанн (Сазонов); Вознесенский соборының кілтшісі, Митрополитік округінің қоғаммен байланыс бөлімінің жетекшісі протоиерей Александр Суворов және собор дін қызметкерлері.

Қызметте дұға еткендер: Алматы қаласы мен Алматы облысы храмдарының клириктері, Иверско-Серафимовский әйелдер монастырының басшысы игумения Любовь (Якушкина) монастыр әпкелерімен бірге, Алматы епархиялық басқармасының қызметкерлері, Алматы рухани семинариясының басшылық құрамы, оқытушылары мен студенттері.

Қалыптасқан дәстүр бойынша Ұлы постты лайықты өткізу үшін архипастырлық батаны алуға Оңтүстік астана храмдарының прихожандары жиналды.

Храмда сенушілерді рухани жұбату әрі нығайту үшін қасиетті жәдігер – митрополит Александрдың батасымен жасалған, Құдайға ұнамды әулиелермен бейнеленген Өмір Беруші Иеміздің Крестінің белгішесі қойылды. Онда апостолдарға тең император Константин мен патшайым Елена, апостолдарға тең ұлы кнәз Владимир мен ұлы ханшайым Ольга, қасиеттінің  ұлы кнәз Александр Невский және қасиетті Александр Свирский бейнеленген.

«Қайғыдамын, Ием, жүзіңді құлыңнан бұрма» ұлы прокимен  орындалып, Патшалық қақпалар жабылғаннан кейін дін қызметкерлері Ұлы постқа арналған қара киімдерге ауысты; қасиетті алтарьдағы престол мен құрбандық та қара жамылғылармен жабылды. Сұрау ектения барысында алғаш рет ұлы постиың әуенімен «Ием, рақым ет» және «Ием, бере гөр» деген үндеулер шырқалды.

Ұлы пост басталар алдында Қазақстан Митрополитік округінің Басшысының үндеуін протоиерей Евгений Иванов оқыды.

Кешкі құлшылық соңында митрополит Александр жиналғандарға Қасиетті Қырықкүндік басталуына арналған дұғаларды оқып, тәлімдік сөзін айтты және жерге тағзым етіп, ең алдымен архипастырлардан, дін қызметкерлерінен және қаладағы православ қауымынан кешірім сұрады.

Өз сөзінде, атап айтқанда, митрополит Александр былай деді:

«Егер адамдардың күнәларын кешірсеңдер, Көктегі Әкелерің де сендерді кешіреді» (Мф. 6:14). Бүгін қасиетті Інжілден осы сөздерді естиміз. Қасиетті Қырықкүндік табалдырығында тұрған бізге Иеміз Иса Мәсіх осылай үн қатады. Құтқарушы адам игілікке ұмтылса, барлық кедергілерді жеңуге көмектеседі. Көктегі Әкеміз бізді кешіреді және біздің де кешіргенімізді қалайды. Құдай сүйіспеншілігіне лайық болғысы келген әр адам өз сүйіспеншілігін іспен көрсетуі тиіс. Жақындарымызға деген сүйіспеншілікке бөленіп, бізге реніш немесе жамандық жасағандарды және біз ренжіткендерді еске алып, өзара татуласайық.

Осы қасиетті кеште, Құдайдың батасын алу және бір-бірімізді кешіру үшін храмға жиналған сәтте, ар-ожданымның әмірімен жүрегімнің тізесін бүгіп, істеген, айтқан және ойлаған ерікті-еріксіз барлық күнәларым үшін сіздерден кішіпейілділікпен кешірім сұраймын…»

Кешкі ғибадат тәубе ету стихиралар мен тропарьлар орындалған кезде, сондай-ақ дәстүрлі түрде айтылатын Қасиетті Пасха стихираларының әуенімен аяқталды. Дін қызметкерлері мен миряндар митрополиттен, епископтардан және бір-бірінен кешірім сұрады.

Ұлы кешкі құлшылық қара түсті киімдермен, жерге тағзым жасаумен, қасиетті Ефрем Сириннің дұғасын оқумен және ерекше тәубелік әуендермен өтетін Ұлы пост құлшылықтарының басталуына жол ашты.

Ұлы посттың бірінші аптасының дүйсенбі, сейсенбі, сәрсенбі және бейсенбі күндері сағат 18:00-де Алматыдағы Вознесенский кафедралды соборында митрополит Александр қасиетті Андрей Критскийдің Ұлы тәубелік канонын оқиды.

Қазақстан Митрополитік округінің ресми YouTube – Semirechie арнасында Ұлы тәубелік канонның оқылуы тікелей эфирде көрсетіледі.

«Ұлы пост жолын өтіп, тыйылу, дұға және ізгі істерде жаттыға отырып, ең бастысы – сүйіспеншілік христиан өмірінің ең жоғары игілігі екенін есте сақтау қажет. Егер пост дұғамен және жақынға деген сүйіспеншілікпен ұштаспаса, оның Құдай алдында құны болмайды. Бұл басты ізгілікті иеленудің алғашқы қадамы – айналамыздағы адамдармен татуласу. Сондықтан Қасиетті Қырықкүндік басталатын жексенбі – Кешірім жексенбісі деп аталады. Әрқайсымыз Інжілдегі: «Егер біреуге қарсы реніштерің болса, кешіріңдер, сонда Көктегі Әкелерің де сендердің күнәларыңды кешіреді» (Мк. 11:25) деген өсиетке сай, шын жүректен кешірім сұрап, өзіміз де шынайы түрде кешіруге тиіспіз». Митрополит Александрдың уағызынан.