Қазақстан Республикасындағы Ватикан Елшісінің Көкшетау және Ақмола архиепископы Серапионның қаза табуына байланысты көңіл айтуы

29 қаңтар 2025 жыл. Қазақстан Республикасындағы Ватикан Елшісі – апостолдық нунциі Джордж Панамтхундил Қазақстан Православие Шіркеуінің Басшысы Астана және Қазақстан митрополиті Александрға Көкшетау және Ақмола архиепископы Серапионның қаза табуына байланысты көңіл айтты:

Сіздің Мәртебеліңіз!

Көкшетау және Ақмола Архиепископы Серапионның (Колосницын) қайғылы және мезгілсіз қайтыс болуына байланысты қатты қайғыра және терең күйзеліспен көңіл айтамын.

Бұл жан түршігерлік қаза Қазақстандағы Православие Шіркеуі үшін ғана емес, сонымен бірге бүкіл православиелік қоғамдастық үшін ауыр қайғы, өйткені біз Мәсіх қауымына  адал және берілген тәлімгердің қайтыс болуына байланысты қайғырудамыз.

Архиепископ Серапионның рухани миссиясына адалдығы және өз қауымына жанқиярлық қызметі терең құрмет және ризашылықпен еске алатындай мұра қалдырды. Оның мызғымас сенімі мен тәлімгерлік қамқорлығы талай жанның өмірін тебірентсе, оның кенеттен қайтыс болуы оны білетіндер мен сүйсінетіндерді қайғыртты.

Осы қайғылы уақытта Қайта тірілген және Өмір беруші болып саналатын Иеміз Иса Мәсіх өзінің адал қызметшісіне ауру-сырқау, қайғы-қасірет, күрсінусіз мәңгілік әділдердің мекенінде мәңгілік тыныштық берсін деп дұға етемін. Архиепископ Серапионды мәңгі  естелік және оның жаны біздің Көктегі Әкеміздің құшағында болсын.

Сондай-ақ, Жаратқан Иеміз Өзінің шексіз мейірімімен Сіздің Мәртебеліңізге, діни қауымыңызға және Қазақстан Митрополиті округінің барлық діндарларына қажетті күш пен сабырлық берсін деп дұға етемін. Өзінің қымбатты архипасторын жоқтап жатқандардың бәрі сияқты менің ойымда да, дұғамда да сенің бар екеніңді біл.

Архиепископ Серапионның (Колосницын) қаза табуына байланысты көңіл айтқандар: Астанадағы рим-католик архиепархиясының басшысы митрополит архиепископ Томаш Пета, Алматыдағы Ең Қасиетті Үштіктің рим-католиктік епархиясының басшысы епископ Хосе Луис Мумбиэла Сьерра, Астанадағы рим-католик архиепархиясының викарийі епископ Атаназиус Шнайдер.