Иоанн Иванович Заседателев

1867 жылы Саратов губерниясының Хвалынск ауданы, Окатная Маза селосында туған. Ол 1896 жылы қасиетті дәрежені қабылдады. 1920 жылға дейін Самара губерниясының Николаев ауданы Корнеевка селосындағы көне дәстүрлік рәсімдерді сақтаған шіркеуде қызмет етті.

1934 жылы 5 қыркүйекте НКВД органдарымен тұтқындалып, Арнайы жиналыста сотталды. Тағылған айып: «Дін қызметкерлері арасында кеңес үкіметіне  қарсы ұйымға қатысу». 1935 жылы 17 наурызда Саратов облысы бойынша КСРО-ның  НКВД жанындағы ОСО-мен сотталды. Қазақстанға 3 жылға жер аударылды. Жазасын өтеп, Саратов облысына оралды. Саратов облысы, Пугачев қаласында тұрған.

1941 жылы қайтадан қамауға алынды. 1941 жылдың 21 қыркүйегі мен 21 желтоқсаны аралығында оның үйі 7 рет тінтуге алынды, бірақ 85 сомнан басқа ештеңе табылмады.

1941 жылы 21 желтоқсанда Пугачев қаласындағы Саратов облыстық сотының көшпелі сот отырысымен Заседателев И.И. ең қатаң - ату жазасына кесілді.

Діни қызметкер Иоанн Заседателев кассациялық шағыммен РСФСР Жоғарғы сотына жүгінді.

1942 жылғы 14 наурызда КСРО Жоғарғы Сотының Қылмыстық істер жөніндегі сот алқасы өз отырысында КСРО Жоғарғы Сотының Төрағасының Саратов облыстық сотының 1941 жылғы 21 желтоқсандағы үкіміне наразылығын қарап, анықтай түсті:

«Саратов облыстық сотының И.И.Заседателевке қатысты үкімі ату жазасынан 10 жылға  еңбекпен түзету лагеріне бас бостандығынан айыру деп өзгертілсін».

Діни қызметкер Иоанн Заседателев Карлагқа жіберілді, ол 1942 жылы 25 қазанда келді.

1942 жылы 29 қазанда діни қызметкер Иоанн Заседателев Қарабас Қарлаға стансасында оң жақты пневмония мен қажыры кеткеннен қайтыс болды.

1934-35 жылдардағы мұрағаттық қылмыстық іс бойынша Саратов облыстық соты президиумының 1988 жылғы 10 қазандағы қаулысымен,  ал 1941-42 жылдардағы мұрағаттық қылмыстық іс бойынша - Саратов облыстық прокуратурасы 1994 ж.24 наурыздағы шешімімен И.И.Заседателев оңалтуға шығарылды.

2000 жылдың тамызында Орыс Православие Шіркеуі Епископтарының мерейтойлық кеңесінде Ресейдің бүкіл шіркеулік құрмет үшін қасиетті жаңа шейіттері мен діндарлар  қатарына қосылды.