Астана және Қазақстан митрополиті Александрдың Республика күнімен құттықтауы

25 қазан 2026 жыл – Қазақстан Республикасының күні. Қазақстан халқын мемлекеттік мерекемен Қазақстан Православие Шіркеуінің Басшысы, Астана және Қазақстан митрополиті Александр құттықтады:

Қымбатты бауырлар!

Сіздерді еліміздің мемлекеттік мерекесі – Қазақстан Республикасының күнімен шын жүректен құттықтаймын!

Отыз жылдан астам уақыт бұрын, 1990 жылы, Қазақстан тарихында жаңа парақ ашылды – еліміздің егемендігі мен тәуелсіздігі жарияланды.

Тәуелсіздік жылдарында еліміз Еуразиядағы қарқынды дамып келе жатқан экономикалардың бірін қалыптастырып, азаматтардың өмір сүру сапасын едәуір арттырды. Қазақстан халықаралық қауымдастық алдында бейбітшілік сүйгіштік, ұлтаралық және дінаралық келісімнің үлгісі ретінде мызғымас беделге ие болды. Қазақстандықтар өздерінің діни сенімдерін еркін ұстануға, мешіттер мен ғибадатханалар салуға, балаларын имандылық пен сенім жолында тәрбиелеуге мүмкіндік алды.

Қазақстан Православие Шіркеуі Отан, билік орындары, әскер және халық үшін Құдайға дұға ете отырып, адамдардың өмірінде ізгілік, әділдік пен бірлік сияқты мәңгілік құндылықтардың орнығуына белсенді түрде қамқорлық көрсетіп келеді. Сондай-ақ елдің рухани және мәдени өмірінің дамуына, дәстүрлердің сақталуына және қоғамда адамгершілік құндылықтардың орнығуына ықпал етуде.

Осы айтулы күні сіздерге зор денсаулық, амандық-саулық және еңбектеріңізге табыс, ал баршамызға ортақ шаңырағымыз – қасиетті Қазақстанымызға бейбітшілік пен өркендеу тілеймін!

Қазақстан Православие Шіркеуінің Басшысы Республика күніне орай ел Президенті Қ.-Ж. К. Тоқаевқа, мемлекеттік басшылық өкілдеріне, Парламент депутаттарына, облыстар мен қалалардың әкімдеріне құттықтау жолдады.