11 қаңтар 2025 жыл. Астана. Константин - Еленинский соборындағы Құдайлық Литургия аяқталғаннан кейін Астана және Қазақстан митрополиті Александр бүкіл Қазақстандық әулиелердің құрметіне арналған ғибадатханасы бар Қазақстан Митрополиттік округінің рухани-мәдени және білім беру орталығының құрылыс алаңында болды.
Іске асырылуын көптеген сенушілер күтіп жүрген бұл жоба, Мәскеу және Бүкіл Русь Патриархы Кириллдің батасын алды. Митрополит Александрдың Қазақстан Республикасының Президенті Қ.-Ж.К. Тоқаевпен кездесуі кезінде, мемлекет басшысы жобамен танысып, елордада православиелік білім беру орталығы мен оның жанынан ғибадатхана құру идеясын қолдады. Қазақстан Президентінің нұсқауымен астаналық билік тарапынан жер телімі бөлініп, ол Митрополиттік округке бекітілді. Қазіргі уақытта орталықтың құрылыс жобасы аяқталды және қажетті келісімдерден өтті; құрылысқа рұқсат алынды; аумағы тазартылып, қоршалып, жұмысты бастау үшін дайындыққа келтірілді.
Митрополит Александр ғибадатхананың және рухани-ағарту орталығының құрылысының басталуы үшін дұға етті және салынып жатқан сәулет кешенінің аумағында орналасатын құрметті Сергий Радонежский құрметіне кішкентай шіркеудің іргетасын қасиетті етті.
Қасиетті ету рәсімінде дұға еткендер: астаналық приходтардың құрметті өкілі архимандрит Сергий (Карамышев), Алма-Ата қаласындағы Құдай Ананың «Жоқтаушылардың барлығының Қуаныш» белгішесінің құрметіне арналған шіркеудің басшысы протоиерей Евгений Воробьев, Константин-Еленинский соборының кілтшісі протоиерей Сергий Калиев, митрополиттің жеке хатшылығының меңгерушісі иеромонах Прохор (Ендовицкий), Алматыдағы Қазан соборының кілтшісі Георгий Рублинский; Митрополиттің хаттама қызметінің басшысы протодиакон Николай Гринкевич, протодиакон Роман Головин, протодиакон Владимир Сыровацкий, диакон Александр Пивень, СК «Астанатрансстрой» ЖШС бақылау кеңесінің төрағасы В.И. Поморцев, СК «Астанатрансстрой» ЖШС директоры С.Е. Баскаков, Астана епархия басқармасының қызметкерлері, сәулетшілер мен инженерлер.
Қазақстан Православие Шіркеуінің Басшысы жиналғандарға архипасторлық сөзін сөйледі. «Христиандардың діни мерекесі деп аталатын Рождествоның жарқын күндерінде адамдар періштелермен бірге Құтқарушы Құдай-нәрестенің әлемге келуін дәріптейтін кезде, біз бәріміз рухани маңызды, тарихи оқиғаның қатысушысы боламыз. Берекелі Қазақстанның бас қаласы Астанада, Қазақстан жерінде жарқыраған Бүкіл әулиелердің құрметіне арналған ғибадатхана кешенінің және Митрополит округінің білім беру орталығының құрылысы басталып жатыр. Бұл орталық бүкіл еліміз үшін маңызды – ол Республика аймақтарында түрлі ағартушылық, ғылыми, жастар және білім беру бағдарламаларын жүзеге асыруға бастамашылдық жасап, олдардың өткізілуін үйлестіретін болады. Біздің жоспарымызда ежелгі және қазіргі заманғы шіркеу өнеріне, ежелгі шіркеу тарихына, Орталық Азиядағы православие тарихына және ХХ ғасырдағы жаңа шейіттер мен конфессионерлердің ерліктеріне арналған көрмелерді қамтитын ғылыми-мұражай кешенін ұйымдастыру бар.
Ғибадатханаларды тұрғызу егемен Қазақстанның ең маңызды жетістіктерінің – ұлтаралық татулықтың, келісімнің, Ұлы даланың сан ғасырлық тарихы мен бай мәдениетіне деген терең құрметтің көрінісі. Жаңа ғибадатхана кешені жаушылаушы құдайсыздардың алдындағы Мәсіхті батыл мойындаған ХХ ғасырдағы шіркеу қызметкерлері мен қарапайым сенушілердің ерлігіне арналған ескерткіш болсын. Әрбір жаңа шіркеулік құрылыс алаңы - бұл православиелік қазақстандықтардың жалынды тілегі, приходтық діни қызметкерлердің бастамасы және жүректерін Мәсіх тебіренткен қамқор адамдардың қолдауы. Қасиетті Патриарх Кириллдің дана сөздерін еске түсірейік: «Шіркеулерді салып, қалпына келтіретін адам тарихта қалады. Тек адамзат тарихы емес. Бұл кісілердің есімдері Өмір Кітабында арнайы жазылады». Біз ғибадатханаларды тек аумақты безендіру немесе мерейтойға арнап сәулет ескерткішін салу үшін ғана тұрғызбаймыз. Біз шіркеулер мен соборларды өміріміз жақсы жаққа өзгерсін, санамыз өзгерсін, жүрегіміз өзгерсін деп саламыз. Христиандық ерлік жолында қиындықтар мен кедергілер болмай қоймайды, бірақ сенушілер еңсесін түсірмеу керек, керісінше, біз елші Павелдің батыл, жігерлендіретін сөздерін жиі еске алуымыз керек: «Мені нығайтатын Иса Мәсіхте мен бәрін істей аламын» (Флп. 4:13)», деді,дұға жасаушыларға, билеушгі митрополит.
Жарғылық дұғаларды оқып болған соң, Жоғары Мәртебелі құрылыс алаңына қасиетті суды шашты.
Дұға жасау аяқталған соң иерарх Астана қаласының шіркеу округінің құрметті өкілі және кешен құрылысына жауапты мамандарымен ғибадатхана мен ағартушылық орталығын құру бойынша жұмыс кездесуін өткізді.
Отырыс соңында архипастор жиналғандарға еңбектері үшін алғысын айтып, алдағы жоғары және жауапты жұмыстарда барлығына Құдайдан рақым тіледі.
Ғибадатхана мен ағартушылық орталық қайырымдылық жасаушылардың қаражатына және сенушілердің ерікті қайырымдылықтарына салынатын болады.
Басты бет
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр