Ұлы Посттың жерлеу сенбісі. Митрополит Александр Мәскеудегі Қазақстан Митрополиттік округі Өкілдігінің шіркеуінде Литургияны өткізді

15 наурыз 2025 жылы – Ұлы Посттың 2-ші аптасының сенбісі, қайтыс болғандарды еске алу; Құдай Анасының «Айбынды» белгішесінің құрметіне арналған мереке.

Астана және Қазақстан митрополиті Александр Мәскеу Патриархалдық ауласында – Қазақстан Республикасындағы Орыс Православие Шіркеуінің Митрополиттік округінің Өкілдігінде қасиетті шейіттер Вера, Надежда, Любовь және София есіміне арналған шіркеуде Құдайлық литургияны өткізді.

Жоғары Мәртебеліге қызмет еткендер: Алматы православиелік теологиялық семинариясының ректоры м.а., Митрополит округі ақпарат бөлімінің басшысы, протоиерей Евгений Иванов; Алматы теологиялық семинариясының проректоры, теология ғылымдарының кандидаты, медицина ғылымдарының докторы, игумен Агафангел (Гагуа); қасиетті шейіттер Вера, Надежда, Любовь және олардың анасы София атындағы щіркеудің кілтшісі иеромонах Антоний (Дробязко); ауланың дін қызметкерлері.

Анна Рожнованың жетекшілігімен шіркеу хоры ән шырқады.

Ғибадат ету барысында Өкілдіктің қызметкерлері, Патриархалдық ауланың жанашырлары және шіркеудің приходтары дұға етті.

Литургия кезінде ғибадатхананы қайта жаңартқан мәңгі есте қалатын басшы протоиерей Борис Присяжнюкке, қайтыс болған ғибадатхана құрылысшылары мен көркейтушілеріне, астананың Миусск зиратында жерленгендерге арнайы дұға бағышталды.

Ғибадат ету соңында митрополит Александр жиналғандарға қайтыс болғандарды еске алудың маңыздылығы туралы уағызын айтты, содан кейін «осы ғасырдан бүгінгі күнге дейін өмірден өткен барлық православиелік христиандарды» еске алу рәсімі өтті.

«Шіркеу, қайтыс болған балаларының тағдырын өзгерту үшін оған Құдай берген ұлы күшке, ерекше билікке ие. Біз шіркеуге жүрегімізге жақын есімдермен жазбалар әкелеміз, «бізден бұрын өмір сүріп, қайтыс болған туыстарымыз бен жақындарымыздың» ерікті және еріксіз күнәларының кешірілуін сұраймыз, Литургияның ең басында, қасиетті құрбандық үстеліндегі Проскомедиа кезінде бөлшектер шығарылатын просфораға қызмет етеміз. Құдайға қызмет ету кезінде өте маңызды, рухани маңызды сәт келеді - бұл бөлшектердің барлығы Иеміз Иса Мәсіхтің ең таза және өмір беретін қанымен ыдысқа батырылады. Сонымен бірге былайша дұға айтылады: «Ием, бұл жерде Өзіңнің адал қаныңмен еске алынғандардың күнәларын әулиелеріңнің дұғалары арқылы шая көр». Есімдері естелік жазбаларға жазылған жақын және атақты туыстарымыз Тақта шалынған қансыз құрбандықтың рақымына бөленіп, қасиетті болып, күнәлары кешіріледі. Құдайдың құдіретімен ақырет өмірінің құпиялары ашылған салихалы адамдар қайтыс болғандардың рухына шіркеу дұғасы оқылғанда және Қасиетті Евхаристияның қансыз құрбандығы шалынғанда ең үлкен жұбаныш пен сөзбен жеткізгісіз қуаныш берілетінін куәландырады». Митрополит Александрдың уағызынан.