Крестке табыну аптасының сәрсенбісінде Митрополит Александр Ақжар ықшам ауданындағы Құдай Анасының Рождественский шіркеуінде алдын ала қасиетті етілген Сыйлықтар Литургиясын өткізді

26 наурыз 2025 жыл – Ұлы посттың Крестке табыну аптасының сәрсенбісі - Қасиетті Қырқыншы күн мейрамының ортасы.

Крестке табыну аптасының сәрсенбісі Типиконда (Православие Шіркеуінің литургиялық жарғысын анықтайтын негізгі кітап) - «Посттың ортасындағы сәрсенбі» деп аталады.

Астана және Қазақстан митрополиті Александр Алматы қаласының Ақжар ықшам ауданындағы Ең Қасиетті Құдай Ананың Рождество құрметіне арналған шіркеуде әулие Григорий Двоесловтың Алдын ала Қасиетті етілген сыйлықтарының Литургиясын өткізді.

Қазақстан Православие Шіркеуінің Басшысына қызмет еткендер: Алматы приходтарының құрметті өкілі, Никольский соборының басшысы протоиерей Валерий Захаров; Құдай Ананың «Барлық қайғырғандарға Қуаныш» белгішесінің құрметіне арналған  алматылық шіркеу басшысы протоиерей Евгений Воробьев; Богородица-Рождественская  шіркеуінің басшысы иеромонах Алексий (Черевцов); иеромонах Херувим (Левин); протодиакон Николай Гринкевич; митрополиттік хаттама қызметінің басшысы протодиакон Роман Головин; протодиакон Владимир Сыровацкий; диакон Георгий Ткаченко.

Литургия әндерін диакон Александр Пивняның жетекшілігімен Алматы епархиясының ерлер хоры орындады.

Осы күннен бастап Ұлы Сәрсенбіге дейін барлық Алдын ала қасиетті етілген Сыйлықтар Литургияларында «Қасиетті Ағартуға (Крещение) дайындалатындар» туралы арнайы күшейтілген дұғаға: «Адал, қасиетті ағарту мен олардың құтқарылуына дайындалып жатқандар үшін, Жаратқан Иеге дұға етейік. Құдайымыз Жаратқан Ие оларды сенімдерінде бекітіп, нығайтып, оларды ақыл мен тақуалықпен нұрландырсын, оларға дер кезінде қалпына келтіру купелін (қайта туылу купелі), күнәларының кешірілуін және туылуын сумен жасасын. Оларға рух пен сенімнің кемелдігін бер және оларды Өзінің қасиетті және таңдаған қауымына кіргізсін» деп қосылады.

Қасиетті өлеңнен кейінгі уағызды протоиерей Евгений Воробьев оқыды.

Ғибадат ету соңында Мәсіхтің Адал Крестіне тағзым етілді.

Мирополиттік округ Басшысы құлшылық етушілерге уағызын айтты.

Митрополит Александр иеромонах Алексийді (Черевцов) монастырлық тонсураның 20 жылдығымен шын жүректен құттықтап, оныңтәлімгерлік еңбегі мен мойынсұнуында Құдайдың көмегін тіледі.

"Құдайдың рақымымен біз Қасиетті Қырқыншы күн мейрамының ортасын белгілейтін ерекше күн -  Крестке табыну аптасының сәрсенбісіне жеттік. Ал бүгін Қасиетті Шіркеу литургиялық әндерімен өзінің адал перзенттерін әрі қарай пост сақтауға және еңбек етуге шақыра отырып, былайша жігерлендіреді: "Посттың ортасына жеткен соң, Мәсіхтің қайта тірілу мерекесі - Пасханы қуанышпен тойлау үшін – Құдаймен бірге жүріп, алда тұрған жолға жас балаша рухпен ұмтылайық». Крестке табыну аптасы бойы ғибадатхананың ортасында Мәсіхтің Кресті орналасқан және арнайы стихира әнін айтқан кезде Өмір сыйлайтын Ағашқа қайта-қайта тағзым етіледі. Құтқарылу үшін айқышқа шегеленген Иемізге дұға етіп жұгіну арқылы біз рухани қолдау мен жұбаныш аламыз, сеніміміз нығаяды. Өзін «өлгенше, тіпті айқыштың өліміне дейін» (Флп. 2:8) кішірейткен Мәсіхтің мысалы бізге христианның ең маңызды қасиеттерінің бірі – кішіпейілділікті еске салады. Ұлы посттың ортасына жеткенде, өзін-өзі тию ерліктерінен, жалынды дұғалардан, өкінген көзжастардан және игі істерден кейін әрқайсымыз «парызшылдардың ұйытқысы» - бос әурешілік азғыруларына тап боламыз. Біздің санамыз бен жүрегімізді мақтаншақтық пен екіжүзділіктен, жақындарымыздың мақтауы мен айыптауынан қорғау үшін біз Құтқарушымыздың Крестіне қарап, «Біз Оның Қаны арқылы өтелуге, Оның рақымының кеңдігінің арқасында күнәларымыздың кешірілуіне» ие екендігіміз туралы ойлауды ұсынады (Еф. 1:7). Митрополит Александрдың уағызынан.