Митрополит Александр Маловодное ауылындағы Қасиетті Құдай Анасының Рожествосы құрметіне салынып жатқан шіркеуге барды

25 мамыр 2025 жыл. Алматы  облысы. Астана және Қазақстан митрополиті Александр Талғар шіркеу ауданы Маловодное (Бәйдібек би) ауылында Қасиетті Құдай Анасының Рожествосы құрметіне салынып жатқан шіркеуге барды.

Архипастор «Елеос» қоғамдық қорының жетекшісі В.М. Қапсамунмен бірге Богородице-Рождественская шіркеуінде құрылыс және әрлеу жұмыстарын аяқтау мәселелері бойынша кеңес өткізді.

Жұмыс кездесуіне қатысқандар: Құдай Анасының Рожествосы құрметіне арналған  шіркеу басшысы протоиерей Николай Ткаченко; «Елеос» қорының қызметкері, Алматыдағы Вознесенский кафедралды соборы кілтшісінің көмекшісі иерей Андрей Шкляр; Митрополиттік округ Басшысының әкімшілік хатшылығының меңгерушісі иерей Георгий Сидоров және құрылысқа жауапты мамандар.

Протоиерей Николай Қазақстан Православие Шіркеуінің Басшысына құрылыс жұмыстарының соңғы кезеңі мен ішкі әрлеу үдерісіне дайындық туралы айтып берді. Митрополит Александрға қоңырау мұнарасының құрылыс барысы туралы хабарланды.

Кездесуге қатысушылардың жеке талқылау тақырыбы Богородице-Рождественская шіркеуінің аумағында орналасқан приходтық рухани-мәдени орталықтың құрылысы болды. Қазіргі уақытта ішкі қабырғаларды тұрғызу және интерьерді қалыптастыру жұмыстары қарқынды жүргізілуде.

Сұхбаттасушылар шіркеу жанындағы аймақтың ландшафты дизайнының тұжырымдамасы мен ерекшеліктерін талқылады.

Елордалық округ Басшысы атқарылған жұмыстарға оң бағасын беріп, алдағы айларға арналған іс-шаралар жоспарымен танысты. Кездесу соңында архипастор шіркеу құрылысына белсене атсалысқандардың барлығына алғысын білдіріп, дін қауымы және сенушілер қауыммен бірге құрылыстың сәтті әрі тез аяқталуына дұға етті.

Крест пен шіркеудің ірге тасын қасиетті ету 2023 жылғы 30 мамырда Қазақстан Митрополиттік округінің құрылғанына 20 жыл толуын мерекелеу аясында өтті. Шіркеу «Елеос» қоғамдық қорының қолдауымен қайырымды жандардың қаражаты мен сенушілердің ерікті садақалары есебінен салынуда.