Алматыда Қазақстан Православие Шіркеуі Синодының кезекті отырысы өтті

31 мамыр 2025 жыл. Алматы. Митрополит Иосиф (Чернов) атындағы Қазақстан Митрополиттік округінің рухани-мәдени және әкімшілік орталығының синодтық залында Астана және Қазақстан митрополиті Александрдың төрағалығымен Қазақстан Православие шіркеуі Синодының кезекті отырысы өтті.

Қазақстан Митрополиттік округінің Синодының құрамында  болғандар: Павлодар және Екібастұз архиепископы Варнава; Қарағанды ​​ және Шахты архиепископы Севастиан; Өскемен және Семей архиепископы Амфилохий; Көкшетау және Ақмола архиепископы Варсонофий; Петропавл және Булаевск архиепископы Владимир; Қазақстан православие Шіркеуінің істері басшысы Қаскелең епископы Геннадий; Ақтөбе және Қызылорда епископы Игнатий; Астана епархиясының викарийі Талдықорған епископы Клавдиан; Шымкент және Түркістан епископы Хрисанф; Астана епархиясының викарийі Талғар епископы Вениамин; Орал және Атырау епископы Вианор.

Жалпы дұғадан кейін Қазақстан Православие Шіркеуінің Жоғары Басшысы архипастырларға арналған сәлемдесу сөзінен кейін күн тәртібін жариялады.

Митрополиттік округі Синодының мүшелері 2025 жылы 23 сәуірде Иемізге қайтарылған марқұм архиепископ Антонийді (Москаленко) еске алып, дұға бағыштады. Орал епархиясын 30 жылдан астам басқарған архипасторға «Мәңгілік естелік» әні шырқалды.

Синод жұмысын митрополит Александр 2025 жылғы 17 сәуірде Республика елордасы  Астана қаласында  өткен Қазақстан Республикасының Президенті Қ.-Ж.К.Тоқаевпен кездесуі туралы баяндамасымен ашты. Митрополит билеушісі жиналғандарға Қасым-Жомарт Кемелұлының Православие Шіркеуінің дәстүрлі және отбасылық құндылықтарды насихаттауға, өскелең ұрпақты тәрбиелеуге және еліміздің бай мәдени мұрасын сақтауға қосқан елеулі үлесін атап өткенін айтты.

Синод мүшелері Митрополиттік округ Басшысын 1-дәрежелі «Достық» ордені - жоғары мемлекеттік наградасына ие болуымен шын жүректен құттықтады.

Митрополит Александр иерархтарға  Қазақстан мен Ресейдің мемлекеттік қайраткерлері: Қазақстан Республикасының Мемлекеттік кеңесшісі Е.Т. Қаринмен; Ресей Федерациясының Сыртқы істер министрі С.В. Лавровпен; Қазақстан Республикасының Ресей Федерациясындағы Төтенше және Өкілетті Елшісі Д.А. Абаевпен; РФ қаржы мониторингі бойынша Федералдық қызметінің директоры Ю.А. Чиханчинмен; Астана қаласының әкімі Ж.М. Қасымбекпен кездесулері туралы хабарлады.

Митрополит билеушісі отырысқа  қатысушыларға Қостанай, Көкшетау және Шымкент епархияларына жасаған сапарлары туралы айтып берді.

Синод Қазақстан Православие Шіркеуінің істері Басшысы Қаскелең епископы Геннадийдің баяндамаларын тыңдады. Құрметті билеуші  «Христиандық этика және әлеуметтік әділеттілік» конференциясына және «Әлемдегі тұрақты дамуға қол жеткізудегі діни лидерлердің рөлі» атты халықаралық онлайн форумына қатысу туралы; Мәскеу және бүкіл Ресей патриархы әулие Тихонның қайтыс болғанына 100 жыл толуына арналған бүкілқазақстандық викторинасын өткізу туралы айтты.

Көкшетау және Ақмола архиепископы Варсонофий жиналғандарға өзінің Көкшетау епархиясын басқарушы  қызметіне кіріскені туралы хабарлады.

Синод Қазақстан Митрополиттік округінің өміріндегі өзекті мәселелерді қарастырып, бірқатар шешімдер қабылдады.

Қазақстан Православие Шіркеуінің Синоды отырысының журналдары Мәскеу және Бүкіл Ресей Патриархы Әулие Кирилл бекіткеннен кейін жарияланатын болады (Орыс Православие Шіркеуі Жарғысының 9-бабының XIII тарауын қараңыз: «Митрополиттік округ Синодының журналдары Қасиетті Синодқа ұсынылады және Мәскеу және Бүкіл Ресей Патриархымен бекітіледі»).