Троица ата-аналар сенбісі. Алматының бас шіркеуінде митрополит Александр Литургияны өткізді

7 маусым 2025 жыл – Троица ата-аналар сенбісі. Елуінші күн мейрамы қарсаңында Қасиетті Шіркеу қайта тірілу мен мәңгілік өмірге үміт артып, сенім жолында қайтыс болған барлық марқұм православиелік христиандарға біріңғай дұға бағыштау рәсімін өткізеді.

Астана және Қазақстан митрополиті Александр Алматы қаласындағы Вознесенский кафедралды соборында Құдайлық Литургияны өткізді.

Митрополиттік округ басшысына қызмет еткендер: Алматы епархиясының рухани әкесі архимандрит Иоанн (Сазонов); Вознесенский кафедралды соборының кілтшісі, Митрополиттік округтің қоғаммен байланыс бөлімінің басшысы протоиерей Александр Суворов; Алматы православиелік теологиялық семинария ректорының м.а., Митрополит округі ақпарат бөлімінің меңгерушісі протоиерей Евгений Иванов; Петерборлық киелі Ксения шіркеуі Лодзинская епархиясының клиригі Георгий Водопьянов (Польша Православие Шіркеуі); Вознесенский соборының кілтшісінің орынбасары иерей Андрей Шкляр; Митрополиттің жеке хатшылығының меңгерушісі иеромонах Прохор (Ендовицкий); Митрополиттік округ басшысының әкімшілік хатшылығының меңгерушісі иерей Георгий Сидоров; протодиакон Николай Гринкевич; Митрополиттің хаттама қызметінің басшысы протодиакон Роман Головин; протодиакон Владимир Сыровацкий; диакон Андрей Плетень; диакон Виталий Быструшкин; иеродиакон Софония (Мазуренко); диакон Александр Пивень; диакон Иоанн Жучков; диакон Георгий Ткаченко. 

Қызметте дұға еткендер: Алматы епархиясының басқармасының қызметкерлері, жексенбілік мектеп оқушылары және кафедралды собордың приходтары.

Игумен Филипптің (Моисеев) жетекшілігімен Оңтүстік астананың бас шіркеуінің ерлер хоры және Е.Богуславецтің жетекшілігімен шағын хоры Литургиялық әндер орындалды.

Қызмет барысында «саяхат кезінде, теңізде немесе өтпейтін тауларда, дауылдарда, құздарда, ауру мен аштықтан, суықтан, оттан, ауа-райы апаттары мен мұзда, ұлтаралық соғыстарда кенеттен қайтыс болғандардың барлығына және сол кезден осы күнге дейін қайта тірілуге үміт артқан барлық қайтыс болған

православие христиандарына» арнайы дұғалар бағышталды. Түркістан епархиясының алғашқы әулиесі архиепископ Софони (Сокольский) және тақуа  митрополит Иосиф (Чернов), қазақстандық архипастарлар, пасторлар, монастырлар және барлық «Қазақстан жерінде имандылық пен тақуалықпен өмір сүріп, қайтыс болғандар» ерекше еске алынды.

Қасиетті өлеңнен кейінгі уағызды иерей Андрей Шкляр оқыды. 

Литургия аяқталғаннан кейін иерарх жиналғандарға қайтыс болғандарды еске алудың маңыздылығын айтатын архипасторлық тағылымды сөзін сөйледі.

Қызметтің соңында барлық «сол заманнан осы күнге дейін қайтыс болған православиелік христиандарды» еске алу рәсімі өтті.

«Қызмет ету жарғысында осы жер бетінде бізден бұрын өмір сүрген және уақытшаны мәңгіліктен ажырата алатын жұмбақ босағадан өткен барлық марқұм болғандарға Мәсіхтің шіркеуі дұға ететін жалпы еске алудың ерекше күндері қарастырылған. Бүгін дәл осындай күн – Киелі Елуінші күн мейрамының алдындағы біріңғай ата-аналар сенбісі, Өмір беретін Троица мерекесі, Киелі Рухтың елшілерге түсу күні. Біз бұрын өмір сүріп, қайтыс болғандардың барлығына, ата-бабаларымызға, әкелерімізге, аға-әпкелерімізге арнап ерекше дұға жасаймыз. Біз Иеміз Құдайдан, Әділ Төрешіден сол заманда кеткен барлық адамдардың күнәларын кешіруін сұраймыз; біз туыстарымыз бен достарымызды, танитындарымызды -  біздің өмір жолымызда кездескендерді және бізге бейтаныс, бірақ православие дінін ұстанатын, рухы бір адамдарды еске аламыз. Бүгін біздің дұғаларымыз әртүрлі жағдайларға байланысты христиандық жерлеуге рұқсат етілмеген немесе өлім сағатында Мәсіхтің Киелі Құпияларынан дәм татып жұбаныш алмағанлар үшін, есімдері ұзақ уақыт бойы адам жадынан өшірілген адамдар үшін арналады. Троицкая ата-аналар сенбісі біз «Шіркеудің туған күні» деп атайтын мерекенің алдында өткізіледі. Сондықтан бүгінгі марқұмдарды еске алудың мәні ерекше. Шіркеу бірлігінің құпиясы бізге ашылуда. Барлық православиелік христиандар – бүгінде өмір сүріп жатқан біздер, қайтыс болған туыстарымыз бен таныстарымыз және бізден бұрын өмір сүрген сенушілердің барлық ұрпақтары – Киелі Рух арқылы жасалған және жандандырылған Мәсіхтің Тәнін, біртұтас шіркеуін құрайды. Біз Құдайдың Өмір беретін Рухының рақымы бізді арамдықтан тазартып, жаңартып, киелі етеді деп дұға етеміз және сонымен бірге қайтыс болғандар үшін осы мейірімділікті сұраймыз. Шіркеуге келе отырып, Иеміз үшін тірі саналатын марқұм болған православиелік христиандар қансыз құрбандықтың арқасында - Құдайлық Евхаристия, Ең Қасиетті Құдай Ана мен әулиелердің шапағаты арқылы, «әр жан жанданатын және тазалықпен көтерілетін» көркем дұғаларымыз арқылы Жұбаныш Рухының рақымына бөленеді. Бұл рақым қайтыс болғандар үшін қуаныш пен бақытқа айналады және бізге Құтқарушының өлімді таптағанын, басқа әлемге өткендердің барлығы жалпы қайта тірілу күнін күтуде өмір сүре беретінін сезінуге мүмкіндік береді.» Митрополит Александрдың уағызынан.