Петропавл епархиясының епархиялық кеңесінің кезекті отырысы өтті

6 маусым 2025 жыл. Петропавл. Петропавл және Булаев архиепископы Владимирдің төрағалығымен Вознеский кафедралды соборындағы рухани-әкімшілік орталықта епархия кеңесінің кезекті отырысы өтті.

Жұмыс отырысына қатысқандар: епархия басқармасының хатшысы протоиерей Сергей Первушин; Апостолдар Петр және Павел атындағы шіркеудің басшысы протоиерей Сергий Снопков; Бишкуль шіркеу округінің құрметті өкілі протоиерей Дмитрий Жульсарин; Мамлютский шіркеу округінің құрметті өкілі иерей Евгений Столяров; Мефодий шіркеуінің басшысы иерей Михаил Березин; Бүкіл әулиелер шіркеуінің кілтшісі иерей Антоний Шувакин; түрмеге қызмет көрсету епархиялық бөлімінің басшысы иеромонах Серафим (Максимов); Қарақоға ауылындағы Мәскеу Матрона шіркеуінің басшысы иерей Сергий Пропустин; Вознесенский кафедралды соборының экономы диакон Владимир Бартоль.

Жұмыс кездесуі «Аспан Патшасына» дұғасын айтумен басталды. Отырыс Петропавл және Булаев епархиясының Басқарушысы архиепископ Владимирдің баяндамасымен ашылды.

Өз сөзінде архипастор жиналғандарды Алматы қаласындағы I Экуменикалық кеңестің 1700 жылдығына арналған мерекелік шараларға, сондай-ақ Қазақстан Православие Шіркеуі Синод мәжілісінің жұмысына қатысқаны туралы хабарлады.

Архиепископ Владимир кеңес мүшелеріне өзінің Солтүстік Қазақстан облысы әкімінің орынбасары Ж.Р. Жұмағұловпен кездескенін, оның барысында епархия өміріндегі өзекті мәселелердің талқылағанын айтты.

Баяндаманың өзекті тақырыбы Орыс Православие Шіркеуінің Жоғары Басшысы Мәскеу және Бүкіл Ресей Әулие Патриархы Кириллдің Қазақстанға алдағы сапары туралы хабарландыру болды.

Одан кейін бас есепші С.П.Иванов епархияның қаржылық жағдайы туралы баяндаманы ұсынды. 

Жиналыс барысында Солтүстік Қазақстанның көктегі қорғаушысы – Петропавлдың қасиетті шейіті Мефодийді еске алу күнін мерекелеуге арналған іс-шаралар бағдарламасы талқыланды.

Мереке аясында «Киелі сенім қорғаны» - ғылыми-тарихи конференциясы мен фестивалі өткізу жоспарлануда. 

Жиналғандар епархия және приход деңгейіндегі шіркеу өмірінің өзекті мәселелерін қарастырды.

Отырыс соңында архиепископ Владимир кеңес мүшелеріне алғысын білдіріп, барлығына архипастарлық батасын берді.