Иеміз Құдайдың Кейпінің Өзгеруі. Митрополиттік округ басшысы Оңтүстік астананың Вознесенский соборында Литургияны өткізді

19 тамыз 2025 жылы – Құдай Иеміздің және Құтқарушымыз Иса Мәсіхтің Кейпінің Өзгеруі мерекесі. Астана және Қазақстан митрополиті Александр Алматы қаласындағы Вознесенский кафедралық соборында Литургияны өткізді.

Митрополиттік округтің Басшысына қызмет еткендер: Астана епархиясының викарийі –  Талдықорған епископы Клавдиан және Талғар еписеопы Вениамин; Алматы шіркеулерінің құрметті өкілі, Никольский соборының басшысы, протоиерей Валерий Захаров; Алматы епархиясының діндары архимандрит Иоанн (Сазонов), Алматы православиелік рухани семинариясының ректоры, Митрополит округі ақпарат бөлімінің меңгерушісі протоиерей Евгений Иванов; протоиерей Дмитрий Сидоров, Митрополиттің жеке хатшылығының басшысы иеромонах Прохор (Ендовицкий), Митрополиттік округ Басшысының әкімшілік хатшылығының басшысы иерей Георгий Сидоров, иеромонах Херувим (Левин), Адриано-Наталиевский шіркеуінің кілтшісі иерей Иоанн Коноплев, митрополиттің хаттама қызметінің басшысы протодиакон Роман Головин, протодиакон Владимир Сыровацкий, диакон Виталий Быструшкин, диакон Александр Пивень, диакон Иоанн Жучков, диакон Георгий Ткаченко, диакон Даниил Пасюк.

Қызметте дұға еткендер: Алматы епархиялық басқармасының қызметкерлері, епархияның қайырымдылары, көптеген приходтар. 

Әндерді Митрополит округінің хоры (регенті – Ресейдің еңбек сіңірген өнер қайраткері О.Н. Овчинников, регенті – В. Дударева) және Вознеский соборының хоры (регенті – Е. Богуславец) орындады.

Қасиетті өлеңнен кейінгі уағызды протоиерей Евгений Иванов оқыды. 

Литургия соңында Шіркеу жарғысына сәйкес жаңа егінінің жүзімін, сондай-ақ осы уақытқа дейін піскен әртүрлі жемістерді қасиетті ету рәсімі жасалды.

Дінбасылар мен хор тропарион, кондак және мерекені ұлықтау әндерін орындады; архипастор қасиетті ету дұғаларын оқып, жаңа піскен жемістер мен ғибадат етушілерге қасиетті судан шашты. 

Билеуші иитрополит иерархтарды, дін қауымын және қарапайым адамдарды Құдай Кейпінің Өзгеруі мерекесімен құттықтап, жиналған қауымға уағызын айтты.

Қазақстан Православие Шіркеуінің Басшысы протоиерей Евгений Ивановты діни қызметкер болып тағайындалу  мерейтойымен құттықтап, оған қасиетті просфораны сыйға тартты, жасаған еңбегі үшін алғысын білдіріп, Қасиетті Шіркеуге одан әрі қызмет етуде жан мен тәннің күш-қуаты мнн Құдайдың рақымын тіледі.

Мерекелік іс-шараның тікелей эфирі youtube-тегі «Прообраз» арнасында «Елеос» қоғамдық қорының (басшысы – В.М. Капсамун) қолдауымен өтті.

Митрополиттік қызметтің бейнежазбасын Қазақстан Митрополиттік округінің «Семиречье» телестудиясы (директоры – еңбек сіңірген мәдениет қайраткері В.Л. Посаднева, операторы А. Шмидт) жүргізді; суретке түсірген – ақпарат бөлімінің қызметкері А.Халин.

«Иеміз Иса Мәсіхке немесе Оның Ең Таза Анасына арналған ұлы он екі мерекесінің әрқайсысы біз үшін рухани өмірдің жаңа бетін ашады. Терең және шын жүректен өтетін мерекелік қызмет кезінде Құдаймен шынайы кездесуіміз  және адам болмысының жаңаруы орын алады.

Қасиетті әкелік даналықтың асыл алтынымен нұрланған Қасиетті Жазба сөздері және шабыттандыратын литургиялық мәтіндері арқылы христиан сынақтарда шыңдалып, игі істерді орындауға күш алады.

Елшілердің жүрегі мен санасын нұрландырған Иеміз Құдай Кейпінің Өзгеруі бізді адамгершілік өзгерістерге және рухани жаңаруға шақырады. Фаворе тауындағы Құдай даңқының көрінісі барлық адамдарға «Құдай әрқайсысымызда отырады» (1 Кор. 15:28) және «тақуалар Әкелерінің Патшалығында күн сияқты жарқырайды» (Мф. 13:43) деген келешек мәңгілік Көктегі Патшалықтың өшпес ұлылығын еске салады.

Иеміз Құдай Кейпінің Өзгеруі жарқын күнінде біз айналамыздағы әлемді өзгертуге шақырамыз. Қалайша? Жақындарымыздың өміріне қатысу арқылы. Біз бүгін Литургия кезінде алған сол рақымды, рухани қуанышымызды отбасымызбен және жақындарымызбен бөлісіп, оны өзіміз араласатын, кездесетін немесе бірге жұмыс істейтін адамдарға таратып, мұқтаж адамдарға барымызша сүйіспеншілік пен мейірімділікті көрсету керекпіз. Иеміз Құдай Кейпінің Өзгеруі күнінің нұры бізді игі істер жасауға жігерлендірсін және шабыттандырсын, сабырлылық пен тыныштықты сақтауға, азғырулар мен құмарлықтарға қарсы тұруға және Құдай бізге беретін мәңгілік құтқарылуға деген нық үмітпен Інжіл жолымен жүруге өмір теңізінің асау толқындарының ортасында батылдық пен күш-қуат берсін». Метрополит Александрдың уағызынан.