Митрополит Александр Алматы рухани семинариясына қабылдау емтихандары басталар алдында дұға етті

25-26 тамыз 2025 жылы Алматы рухани семинариясында теологиялық-пасторлық, хормейстерлік және катехизация мамандықтар бойынша күндізгі және сырттай бөлімдерге студенттерге қабылдау емтихандары басталды. Астана және Қазақстан митрополиті Александр Митрополит Иосиф (Чернов) атындағы Қазақстан Митрополиттік округінің рухани-мәдени орталығының Александр Невский шағын шіркеуінде әрбір игі іс басталар алдында рухани мектепке түсушілермен кездесті және дұға оқыды.

Қызметте дұға еткендер: Астана епархиясының Талдықорған епископы Клавдиан; Алматы шіркеулерінің құрметті өкілі протоиерей Валерий Захаров; Алматы семинариясының ректоры протоиерей Евгений Иванов; тәрбие жұмысы жөніндегі проректор Иоанн Ливинский; оқу жұмысы жөніндегі проректор иерей Петр Бахтияров; ғылыми жұмыстар жөніндегі проректор, философия ғылымдарының кандидаты А.П.Соловьев; библиялық-теология бөлімінің меңгерушісі, теология ғылымдарының кандидаты иерей Олег Лисин; шіркеу-тарихи кафедрасының меңгерушісі протоиерей Александр Гайченя; шіркеу-тәжірибелік бөлімінің меңгерушісі диакон Владислав Пашков; сырттай жұмыс бөлімінің басшысы иерей Даниил Бобылев; семинария инспекторы иерей Евгений Бессонов; рухан мектеп канцеляриясының меңгерушісі иерей Александр Шишлов; Митрополиттік округ басшысының әкімшілік хатшылығының меңгерушісі иерей Георгий Сидоров; Митрополиттің хаттама қызметінің басшысы протодиакон Роман Головин; регенттік бөлімінің меңгерушісі, Қазақстан митрополиттік округі хорының хормейстері В.В. Дударева; рухани мектептің оқытушылары мен тәрбиеленушілері. 

Дұға соңында митрополит Александр барлығына архипасторлық батасын берді және семинарияның оқытушыларына, студенттеріне және болашақ студенттеріне ғибратты сөзін сөйледі.

«Биыл біздің рухани мектебіміздің құрылғанына 15 жыл толып отыр.Бұл күн баршамызды жүріп өткен жол туралы ойлануға және рухани білімнің одан әрі шарықтауы мен дамуының векторын анықтауға итермелейді.

Бүгінгі таңда Қазақстан Православие Щіркеуінің жалғыз жоғары теологиялық оқу орны бола отырып, Алматы семинариясы өзінің оқу-тәрбие дәстүрін белсенді түрде қалыптастырып, заман талабына жауап беруге, оқу-ағарту жұмыстарын жүргізуге қабілетті, әр ұрпақ, наным-сенім, ұлт өкілдерімен тіл табыса алатын Иеміз Құдайдың жолындағы еңбексүйгіш қызметкерлерді дайындауы қажет. Ұстаздарға да, студенттерге де үлкен жауапкершілік жүктеледі, өйткені олар болашақта апостолдық қызметтің жалғастырушылары «жемісін көрушілер» (Лк. 10:2) болады. Студенттер мен талапкерлерге сөйлей отырып, сіз Құтқарушының шақыруымен, бір кездері жүректеріңізде естілген Оның үніне мойынсұна отырып, осы киелі қабырғаларға келгеніңізді еске салғым келеді. Рухани мектепте келу мақсатын ешқашан ұмытпаңыз, өйткені сіз әртүрлі білімдер жиынтығын алу үшін ғана емес, сонымен қатар әулие Иоанн Златоусттың сөзіне сәйкес, періштелік қызметтен асып түсетін қызметке толықтай дайындалу үшін түстіңіз. Осы айтулы күні мен билік басындағыларға, оқытушылар және оқитындарға және, әрине, біздің талапкерлерге арнайы дұға етемін. Баршаңызға шын жүректен тән және рухани күш-қуат, даналық пен шыдамдылық, 

Иеміз Құдайдың жомарт көмегі мен теологиялық білім саласындағы алдағы істеріңізге сәттілік тілеймін».