Митрополит Александр Оңтүстік астананың бас шіркеуінде оқу жылының басына арналған жексенбілік Литургия мен дұға ету қызметін өткізді

31 тамыз 2025 жылы – Қасиетті Құдай Анасының Успения мейрамынан кейінгі күн, азап шеккен Флора пен Лаврды еске алу күні, Құдай Анасының «Бүкіл Патшайым» белгішесінің құрметіне арналған мереке.

Астана және Қазақстан митрополиті Александр Алматы қаласындағы Вознесенский кафедралды соборында Құдайлық Литургияны өткізді

Жоғары Мәртебеліге қызмет еткендер: Алматы шіркеулерінің құрметті өкілі, Никольский соборының басшысы протоиерей Валерий Захаров; Алматы қаласындағы Құдай Анасының «Барлық қайғырғандарға Қуаныш» белгішесінің құрметіне арналған шіркеудің басшысы протоиерей Евгений Воробьев; Алматы епархиясының рухани әкесі архимандрит Иоанн (Сазонов), Христорождественский соборының кілтшісі протоиерей Александр Гайченя, Богоявленский шіркеуінің басшысы протоиерей Валерий Шаврин, Вознесенский соборының кілтшісінің орынбасары иерей Андрей Шкляр, иитрополиттің жеке хатшылығының меңгерушісі иеромонах Прохор (Ендовицкий), Митрополиттік округ Басшысыныі әкімшілік хатшылығының меңгерушісі иерей Георгий Сидоров, Алматы православиелік рухани семинариясының сырттай оқу бөлімінің меңгерушісі иерей Даниил Бобылев, Адриано-Наталиевский шіркеуінің кілтшісі иерей Иоанн Коноплев; протодиакон Николай Гринкевич, митрополиттің хаттама қызметінің басшысы протодиакон Роман Головин, протодиакон Владимир Сыровацкий, диакон Виталий Быструшкин, диакон Богдан Бойко, диакон Иоанн Жучков, диакон Георгий Ткаченко, диакон Даниил Пасюк.

Қызметте  дұға етті: Алматы епархиясы басқармасының қызметкерлері, Оңтүстік астананың жексенбілік мектептерінің ұстаздары мен тәрбиеленушілері, Алматы қаласының бас шіркеуінің приходтары.

Әндерді Митрополит округінің хоры (регенті – Ресейдің еңбек сіңірген өнер қайратеері О.Н. Овчинников, хормейстер – В. Дударева) және Н.Головина жетекшілігімен Оңтүстік астананың жексенбілік мектептерінің аралас балалар хоры орындады.

Қасиетті өлеңінен кейінгі уағызды протоиерей Валерий Захаров оқыды. 

Литургия соңында Ең Қасиетті Құдай Анасын мадақтау өтті - Успения бейнесі мен «Бүкіл Патшайым» белгішесінің алдында діни қызметкерлер мен хор тропарионды, кондакты және мерекені мадақтауды орындады, содан кейін митрополит жиналғандарға қасиетті суын себелеп, уағызын айтты.

Православие Шіркеуінің Басшысы жаңа оқу жылы басталар алдында дұға жасап, одан кейін жиналғандарға ғибратты сөзін сөйлеп, балалар мен жастарға архипасторлық батасын берді.

«Сіздерді балалар мен ересектерді, ұстаздар мен тәрбиешілерді, оқушылар мен студенттерді біріктіретін ерекше мереке – Білім күнімен және жаңа оқу жылының басталуымен құттықтаймын. Мектеп және студенттік жылдарды адам өмірінің ең жақсы кезеңі деп атауға болады, өйткені бұл жастық шақ, тұлғаның қалыптасу және қарқынды дамитын, кейінгі кәсіби және шығармашылық қызметке қажетті негізгі білімді меңгеретін уақыт. Сонымен бірге осы жарқын кезеңде әрбір жас жеткіншек өзінде еңбексүйгіштік пен алғырлықты тәрбиелеуі, жалқаулық пен басқа да адамгершілік дерттерді жеңуді үйренуі керек. Жас жігіттер мен қыздардың алдында ұстаздары мен жолдастарын құрметтеп, оқытылатын пәндерді ықыласпен меңгеруді үйрену міндеті тұр. Балалық және жасөспірімдік кезеңде адамдар өздерінің рухани-адамгершілік таңдауларымен, әдеттерімен, әрекеттерімен және сөздерімен Құдаймен және адамдармен қарым-қатынасын ондаған жылдар бойы қалыптастырады және бүкіл өмірінің одан әрі бағытын анықтайды. “Адам не ексе, соны орады” (Гал. 6:7),- деп Киелі Жазба бізді ескертеді. Православие Шіркеуі ғасырлар бойы оқытуға қызмет етіп және педагогика қызметіне батасын беріп келеді. Біз әр оқу жылын Құдайдан ұстаздарға ұстаздық, ал шәкірттерге білім алуға көмектесу үшін дұға етуден  бастаймыз. Осы мерекелік күні мен ұстаздарға, студенттерге және оқушыларға жақсы кеңес айтамын - кәсібіңізде және бастаған ісіңізде табысқа жету үшін, Құдайды ешқашан ұмытпаңыз, Оның өсиеттерін орындауға шын жүректен ұмтылыңыз. Ескі өсиет пайғамбары және жыршы Давид былай дейді: «Жамандықтан аулақ болып, жақсылық жаса» (Пс. 33:15). V ғасырда өмір сүрген ежелгі тақуа Ұлы Пименнен бақытты болу үшін не істеу керек деп сұрағанда, ол былай деп жауап берді: Біз көп дұға етіп, көп еңбек етіп, адамдарға жақсылық жасауымыз керек», - деді. Ұстаздарға, оқушыларға және студенттерге денсаулық, күш-қуат, Иеміз Құдайдан көмек және жұмыстарына сәттілік тілеймін.» Митрополит Александрдың уағызынан.