Жексенбі күні митрополит Александр Алматыдағы Вознесенский соборында Литургияны өткізді

7 қыркүйек 2025 жыл – Елуінші күн мерекесінен кейінгі 13-ші апта; апостол Варфоломейдің жәдігерлерін көшіру құрметіне арналған мереке, Мәскеу әулиелер Соборын еске алу күні.

Орыс Православие Шіркеуінің Қасиетті Синоды (Синод отырысының 2015 жылғы 13 шілдедегі № 41 журналы) қыркүйектің бірінші жексенбісі жыл сайынғы Құдайдың жаратылысы үшін арнайы дұға ету күні деп анықтады және Құдайдың жаратылысын сақтау үшін дұға ету рәсімін бекітті.

Астана және Қазақстан митрополиті Александр Алматы қаласындағы Вознесенский кафедралды соборында Құдайлық Литургияны өткізді. 

Жоғары Мәртебеліге қызмет еткендер: Алматы епархиясының рухани әкесі архимандрит Иоанн (Сазонов), Вознесенский кафедралды соборының кілтшісі, Митрополиттік округтің қоғаммен байланыс бөлімінің басшысы протоиерей Александр Суворов; Алматы рухани семинариясының ректоры, Митрополиттік округтің ақпарат және баспа бөлімінің басшысы протоиерей Евгений Иванов; Іле шіркеу округінің құрметті өкілі протоиерей Александр Зырянов, митрополиттің жеке хатшылығының меңгерушісі иеромонах Прохор (Ендовицкий), Митрополиттік округі басшысының әкімшілік хатшылығының меңгерушісі иерей Георгий Сидоров, Талғар қаласындағы Никольский шіркеуінің басшысы иерей Кирилл Фрейганг, Қазан соборының кілтшісі иерей Георгий Рублинский; протодиакон Николай Гринкевич, митрополиттің хаттама қызметінің басшысы протодиакон Роман Головин, протодиакон Владимир Сыровацкий, диакон Виталий Быструшкин, диакон Иоанн Жучков, диакон Георгий Ткаченко, диакон Даниил Пасюк.

Әндерді Митрополиттік округінің хоры (регенті – Ресейдің еңбек сіңірген өнер қайраткері О.Н. Овчинников, хормейстер – В. Дударева) және Вознеский соборының хоры (регенті – Е. Богуславец) орындады.

Қызмет барысында дұға еткендер: «ELEOS-MEIRIM» қоғамдық қорының президенті В.М. Капсамун, Алматы епархиялық басқармасының қызметкерлері, епархияның қайырымдылары, көптеген приходтар. 

Митрополиттік  округ Басшысы Құдайдың жаратылысын сақтау үшін дұға жасады.

Евхаристикалық каноннан кейін митрополит Александр Алматы православиелік рухани семинариясының түлегі оқырман Владимир Юдиннің диакондық тағайындауын орындады.

Қасиетті өлеңнен кейінгі уағызды протоиерей Евгений Иванов оқыды. 

Литургия соңында Жоғары Мәртебелі Құдайдың жаратылысын сақтау үшін дұға етті.

Ғибадат ету шарасы соңында архипастор жиналғандарды жексенбі күнімен құттықтап, жиналғандарға  ғибратты сөзін айтты.

Иерарх сенушілерді қасиетті сумен себеледі.

Қазақстан Православие Шіркеуінің Басшысы өзінің иподиаконы Илья Яценконы туған күнімен шын жүректен құттықтап, оған Құдайдың мейірімін, рухани және тән  саулығын, Мәсіх Шіркеуіне құлшыныспен қызмет етуін тілеп, қасиетті просфораны табыс етті.

« Бүгін жексенбі күн - біз Мәсіхтің өлімді жеңгенін еске алатын кіші Пасха, Құдайдың жарлығын орындай отырып: «Алты күн еңбек етіп, барлық ісіңді  тындыр, ал жетінші күн Иеміз, Жаратқан Құдайға арна» деп, біз бүгін Құдайдың Литургиясына қатысу үшін, бүкіл әлем үшін Шансыз Құрбандық жасау үшін, тірілерді және бізден бұрынғыларды құтқару үшін шіркеуге жиналдық. Әрбір Құдайлық Литургия - бұл адам жанының мерекесі, бұл Мәсіхтің салтанаты. Қгдайлық Литургия кезінде біздің назарымызға Қасиетті Інжіл, мәңгілік өмір туралы сөздер, Құдайдың ізгі хабары ұсынылады. Бұл әрбір адамның жанымен сөйлесетін Мәсіхтің өзі және біз Құдай сөзінен жүрегіміздегі барлық сұрақтарға жауап табамыз: мәңгілік өмірге ие болу үшін қалай өмір сүру керек, қалай әрекет ету керек, құтқарылу үшін не істеу керек.

Қызмет аяқталғанда, шырақтар сөніп, шамдар өшіп, біз шіркеуден үйлерімізге, отбасыларымызға кетеміз, Иеміз бізге нұрландырған рухани от бізге жақын және алыс адамдарды сүюге, күнәға бой алдырмауға, Мәсіхте өмір сүруге, жақсылық пен ізгілікке ұмтылуға көмектессін ». Митрополит Александрдың уағызынан.