Астана мен Қазақстанның митрополиті Александрды Алматы рухани семинариясынан көктегі қорғаушылар күнімен және шіркеулік қызметінің 50 жылдығымен құттықтау хаты

12 қыркүйек 2025 жыл. Көктегі қорғаушылар – қасиетті ізгі ұлы кнәз Александр Невский мен құрметті Александр Свирскийді еске алу күні, сондай-ақ Қазақстан Православие Шіркеуінің басшысы Астана және Қазақстан митрополиті Александрды шіркеулік қызметінің 50 жылдығымен

Алматы православиелік рухани семинария ұстаздары мен студенттері құттықтайды:

Аса құрметті билеуші митрополиті Александр, біздің архипастор және ардақты әкеміз!

Алматы рухани семинариясының басшылары, оқытушылары мен студенттері көктегі қорғаушылар күнімен, сондай-ақ сіздің өміріңіздегі айтулы күн – шіркеулік қызметіңіздің 50 жылдығымен құттықтауымызды қабыл алыңыз.

Сіз Көктегі қорғаушыларыңыз сияқты, өзіңіздің құрбандық еңбектеріңіз, жалынды дұғаларыңыз, табандылық, шыдамдылық және алысты болжаған дана шешімдеріңіз арқылы Құдаймен ынтымақтаса отырып, айналаңыздағы шындықты өзгертесіз және жаңаша жасайсыз және шіркеу өмірінің әртүрлі салаларын дамытасыз. Сіздің қажырлы еңбегіңіз әрқашан мол жемісін береді. Сіз өз қауымыңызды Інжіл мұраттарына сәйкес өмірге, сүйіспеншілік пен мейірімділік істеріне, бейбітшілік пен қоғамдық келісімді құруға талмай шақырасыз. Сіздің замандастарыңыз беделді сөзіңізді тыңдайды, өйткені сіздің уағызыңыз адам даналығының нанымды сөздерінде емес, рух пен құдіретті көрсетуде (Кор. 1-х. 2:4).

Сіз үшін ерекше күні, Нева бойындағы қаланың рухани мектептерінде оқуыңыздың басталғанын еске алған кезде, мен сізге осыдан 15 жыл бұрын Алматы қаласында негізін қалаған рухани семинарияға үнемі жанашырлық пен белсенді қамқорлық көрсеткеніңіз үшін алғыс пен перзенттік алғысымызды айтқымыз келеді.

Біздің жоғары рухани мектебімізде жұмыс істеп, білім алып жатқан баршамыз Жаратқан Иенің мейірімінің өлшеусіз екенін, адамзатқа деген сүйіспеншілігінің шексіз тұңғиық екенін біле тұра, Жаратқан Иеден саулық, амандық, барлық игі істерде сәттілік тілейміз.

Жаныңыз бен тәніңізге күш-қуат, Тәңірден жомарт көмек және атқарып жатқан биік және жауапты архипасторлық қызметте табысқа жетуді тілейміз.