Жексенбілік күні Фома апостолын еске алу күні Митрополит Александр Мәскеудегі Митрополиттік округінің Өкілдігінде Литургияны өткізді

19 қазан 2025 жыл – Елуінші күн мейрамынан кейінгі 19-шы апта; Құтқарушының он екі шәкіртінің бірі қасиетті Фома апостолын  еске алу күні.

Астана және Қазақстан митрополиті Александр Мәскеу қаласының Патриархалдық қоналқалық үйі – Қазақстан Республикасындағы Орыс Православие Шіркеуінің Митрополиттік округінің Өкілдігіндегі әулие шейіттер Вера, Надежда, Любовь және София шіркеуінде Құдайлық Литургияны өткізді.

Жоғары  Мәртебеліге қызмет еткендер: Алматы рухани семинариясының проректоры, теология ғылымдарының кандидаты, медицина ғылымдарының докторы, профессор игумен Агафангел (Гагуа); протоиерей Павел Вишневский; және қоналқалық үйдің діни қызметкерлері. Диакондық тағайындау дәрежесін Алматыдағы Вознесенский кафедралды соборының клиригі протодиакон Николай Гринкевич басқарды.

Анна Рожнованың жетекшілігімен шіркеу хоры ән шырқады.

Литургия соңында Қазақстан Православие Шіркеуінің Басшысы діндарларды Фомм апостолын еске алу мерекесімен құттықтап, архипасторлық уағызын айтты.

Митрополит құлшылық етушілерге қасиетті суды себеледі.