Митрополит Александр Алматы епархия басқармасының қызметкерлеріне шіркеу марапаттарын табыс етті

16 желтоқсан 2025 жыл. Алматы. Митрополит Иосиф (Чернов) атындағы Қазақстан  Митрополиттік округінің рухани-мәдени орталығының тақ залында өткелі жатқан жылы мерейтойлар мен есте қаларлық күндерді атап өткен Алматы епархиясының басқарма қызметкерлеріне шіркеу марапаттары табыс етілді.

Марапаттау рәсімін Астана және Қазақстан митрополиті Александр басқарды.

Іс-шараға қатысқандар:Қазақстан Митрополиттік округінің хатшысы, Ресей Федерациясының еңбек сіңірген өнер қайраткері, Қазақстан Митрополиттік округінің регенті, орыс шіркеу ән өнерін дамыту жөніндегі Патриархалдық кеңестің мүшесі  О.Н. Овчинников; Митрополиттік округтің ақпараттық- баспа бөлімінің басшысы, Алматы православиелік рухани семинариясының басшысы, теология ғылымдарының кандидаты протоиерей Евгений Иванов; митрополиттің жеке хатшылығының меңгерушісі иерей Георгий Сидоров, митрополиттің протокол қызметінің басшысы протодиакон Роман Головин, Алматы епархиялық басқармасының қызметкерлері.

Митрополит Александр марапатталушыларға сөз сөйледі.

«Уақыт зымырап өтіп жатыр, жылдың соңы жақындап қалды және көп ұзамай біз бейбітшілік және Құдайдың барлық адамдарға деген сүйіспеншіліктің мерекесі - Мәсіхтің Рождествосын қарсы аламыз. Бізде, Қазақстан Митрополиттік округінде осы уақыт ішінде діни қызметкерлер мен сенушілерді шіркеулік ілтипатпен құрметтейтін тамаша дәстүр қалыптасты. Бүгін баршаңызды көріп, Қазақстанның Православие Шіркеуінің марапаттарын тапсыру мен үшін үлкен қуаныш. Мен қазіргі күні пастор ретінде қызмет ету немесе басқа да маңызды міндеттерді орындау қаншалықты қиын екенін білемін. Құдайдың рақымымен, сіздердің еңбектеріңіздің арқасында епархиямыздың тіршілігі өркендеп келеді. Құдай бүгін сізге тапсырылған шіркеу марапаттарын сіздің Шіркеу Анаға үздіксіз қызмет етудегі құлшынысыңызды күшейтуді бұйырсын. Біз жасайтын барлық нәрсе өзіміз үшін емес, туған Православие дінін нығайту және бекіту үшін, мүмкіндігінше көп адамдар аспан әлемінің сұлулығын білуі үшін,бізді қоршаған әлем Мәсіхке деген сенімнің нұрымен өзгеруі үшін жасаймыз. Жыршы Давид бізді еңбек етуде, жоспарларымызды жүзеге асырып, нәтижесін көргенде Құдайға бет бұруға үйретеді: «Бізге емес, бізге емес, уа, Ием, Сенің есіміңе бүкіл мадақты бер» (Пс. 113:9). Баршаңызға шын жүректен алғыс айтамын және әртүрлі қиындықтар мен қиын жағдайларға кезіккенде рухани батылдығыңызды жоғалтпауыңызды сұраймын. «Құдай бізбен бірге!» — бұл сөздер Рождестволық мерекелерде жиі естіледі, православиелік христиан өмірінің абсолютті шындығы. Иеміз әрқайсымызбен бірге, бізді нұрландырады, күш береді және Оған дұға және үмітпен жүгінген кезде бізге көмектеседі. Барлығыңызға Құдайдың мейіріміне бөленіп, шіркеу мен жақындарымыздың игілігі үшін, туған Қазақстанның игілігі үшін қызметінде, еңбектерінде және түрлі талпыныстарында сәттілік тілеймін», - деді иерарх, атап айтқанда.

Қазақстан Православие Шіркеуінің игілігі жолындағы еңбегін бағалап, атаулы күндерге байланысты митрополит Александр шіркеу марапаттарын табыс етті:

• Қараой ауылындағы Ильинская шіркеуінің басшысы  протоиерей Георгий Лаговский «Қасиетті шейіттер Серафим мен Феогност» ордені;
• Ақжар шағын ауданындағы Богородице-Рождественский шіркеуінің басшысы иеромонах Алексийге (Черевцов) - «Қарағандының конфессері әулие Севастиан» ордені;
• Митрополиттік округі басшысының әкімшілік хатшылығының меңгерушісі иерей Георгий Сидоровқа, Митрополиттік хаттама қызметінің басшысы протодиакону Роман Головинге, Алматы епархия басқармасының есепшісі Н.Е. Тереховаға, Алматы қаласының  Никольский  соборының әншісі И.В. Әкімовке,  Оңтүстік астананың Вознесенский кафедралды соборының оң хорының әншісі С.Х. Благодарнаяға -  «Енбек Үшiн» (За труды) – ордені;
• Әулие Лука (Войно-Ясенецкий) атындағы православиелік медициналық орталығының бас дәрігері, дикон Александр Джоджуаға-  «Қырым діндары, әулие Лука» – ордені;
• Оңтүстік астананың Вознесенский кафедралды соборының оң хорының әншілері А.Б. Ахметов пен М.М. Абабакриевке  «Алғыс» (Благодарность) – медалі;
• Вознесенский кафедралды соборының оң хорының әншісі А.В. Часовитинаға -  «Қазақстанның Православие шіркеуіне қызметтері үшін» – медалі;
• Оңтүстік астананың Вознесенский кафедралды соборының оң хорының әншісі Р.К. Сборщик, Қазақстан митрополиттік округі «Семиречье» телестудиясының директоры В.Л. Посадневаға -  «Енбек Үшiн» (За труды) – медалі;

Марапатталғандар атынан иерей Георгий Сидоров Қазақстан Православие Шіркеуінің Басшысына алғысын білдіріп, архипасторға жоғары сенімі мен әкелік қамқорлығы үшін алғысын білдірді.