Қазақстан Митрополиттік округінің Басшысы Астананың Константино-Еленинский соборында Құдайлық Литургияны өткізді

20 желтоқсан 2025 жылы -  Медиолан кий епископы, әулие Амвросийдің, Столобный Нил әулиесі және Оңтүстік Қазақстанда Мәсіх үшін азап шеккен қасиетті шейіт епископ Амвросийді (Полянский) еске алу күні.

Астана және Қазақстан митрополиті Александр Астана қаласындағы ең көне шіркеу — Константино-Еленинский соборында Құдайлық Литургияны өткізді.

Қазақстан Православие Шіркеуінің Басшысына қызмет еткендер: Астана шіркеу округінің құрметті өкілі архимандрит Сергий (Карамышев), Құдай Анасының «Жоғалғандарды іздестіру» белгішесі құрметіне арналған астаналық әйелдер монастырының рухани әкесі иеромонах Модест (Дроздов), Успен кафедралды соборының кілтшісі иеромонах Димитрий (Байдек), Константино-Еленинский соборының кілтшісі протоиерей Сергий Калиев, Астана қаласындағы әулие Серафима Саровский шіркеуінің клиригі иеромонах Силуан (Синегубов), митрополиттің жеке хатшылығының жетекшісі иеромонах Прохор (Ендовицкий), протодиакон Владимир Сыровацкий, диакон Илия Давыдов, диакон Евгений Гудзь, диакон Георгий Ткаченко, диакон Иоанн Янчук, диакон Иоанн Жучков және диакон Даниил Пасюк.

Митрополит Александрдың батасымен қызмет басталар алдында сенушілердің дұғалық тағзымы мен рухани нығаюы үшін Алматыдағы Митрополиттік резиденцияның Иверско-Серафимовский үй шіркеуінен Талдықорғанға әулие 

Николай Чудотворецтің қасиетті жәдігерлерінің бір бөлігі салынған кеме әкелінді.

Шіркеу әндерін Константино-Еленинский шіркеуінің хоры Н. Мазуринаның жетекшілігімен орындады.

Қызмет кезінде Республика астанасының православие тұрғындары мен жақын елді мекендерден келген сенушілер дұға етті.

Қасиетті өлеңнен кейінгі уағызды иеромонах Силуан (Синегубов) оқыды.

Литургия аяқталған соң әулие әрі ғажайып жасаушы Николайдың жәдігерлері қойылған кеме алдында Мирликийский архипасторына арналған мадақтау дұғасы орындалды.

Митрополит Александр Қасиетті Мәсіхтің Қүпияларына қатысқандарды құттықтап, ғибратты сөзін сөйледі.

«Қазір шіркеу күнтізбесінде ерекше кезең — Рождестволық посттың берекелі уақыты. Иеміз Иса Мәсіхтің Рождествосының құпиясына деген құрмет сезімі бізді Құдай Ұлының дүниеге келу мерекесіне мұқият дайындалуға итермелейді. Пост күндері - рухани ерлікке, ішкі тәртіпке, өз әлсіздіктеріміз бен кемшіліктерімізді тануға және жеңуге, жаман әдеттер мен құмарлықтардан арылуға арналған уақыт. Жыршы Давид дұрыс өмір жолын бізге былайша көрсетеді:

“Жамандықтан бойыңды аулақ салып, жақсылық жаса” (Пс. 33:15).

Пост сақтауда жанның барлық күшін Қасиетті Мәсіхтің Құпиялары рәсіміне лайықты дайындыққа бағыттау қажет. Қасиетті Евхаристияның айналасына бүкіл Шіркеудің болмысы шоғырланатынын және әрқайсымыздың рухани өміріміз де осының төңірегінде қалыптасуы тиіс екенін әрдайым есте ұстау маңызды. Құдайлық Құпиялар рәсіміне әдет немесе дәстүр бойынша емес, Бірігу — мәңгілік өмірдің қайнар көзі әрі құтқарылудың айнымас кепілі екенін терең түсіне отырып, келейік. Мәсіхтің сөздерін еске түсірейік:

«Менің  Тәнімнен, қанымнан дәм татқан адамда мәңгілік өмір бар, мен оны соңғы күні тірілтемін» (Ин. 6:54).

Пост бізге жеке діни тәжірибемізді тереңдетуге, дұға мен құпияларда Құдайдың жақындығын, мәңгілік өмірдің қуанышын сезінуге, болашақ ғасырдың құпияларына жанасуға мүмкіндік береді. Бұл туралы қасиетті апостол Павел былай дейді:

“Құдай Өзін сүйетіндерге дайындағанды көз көрмеді, құлақ естімеді, адамның жүрегіне де келмеді” (1Кор. 2:9)».