Павлодар және Екібастұз епархиясының қорытынды епархиалық жиналысы өтті

17 желтоқсан 2025 жыл. Павлодар. 

Благовещенский кафедралды соборы жанындағы шіркеулік жиналыстар залында Павлодар және Екібастұз архиепископы Варнаваның төрағалығымен Қазақстандық Митрополиттік округке қарасты Павлодар епархиясының қорытынды епархиалық жиналысы өтті.

Отырысқа қатысқандар: шіркеу округтерінің құрметті өкілдері, ғибадатхана басшылары мен клириктері, Павлодар қаласындағы Петропавл әйелдер монастырінің басшысы игумения монахиня Серафима (Болибок), епархиалық бөлімдердің басшылары мен епархия басқармасының қызметкерлері.

Жиналыстың жұмысын Павлодар епархиясының басқарушысы ашып, 2025 жылы епархия өміріндегі ең маңызды оқиғалар, әлеуметтік және білім беру-катехизиялық қызмет, ақпараттық-баспа жұмысы, жастар мен түрмелік қызмет, сондай-ақ мемлекеттік органдар мен қоғамдық ұйымдармен өзара іс-қимыл туралы баяндама жасады.

Одан кейін епархиалық тексеру комиссиясының қызметі жөніндегі есепті комиссия төрағасы диакон Амвросий Таукенов ұсынды.

Негізгі баяндамалардан соң епархиялық өмір мен пастырлық қызметтің әртүрлі салаларына қатысты бірқатар өзекті мәселелер талқыланды.

Жиналыс соңында архиепископ Варнава дін қызметкерлеріне евангелиялық куәлік жолындағы жанқияр еңбектері мен жүктелген мойынсұнушылықтарды адал атқарғандары үшін алғысын білдіріп, Рождестволық посттың құтқарушы күндерімен және келе жатқан Жаңа жылмен құттықтай отырып, қызметтеріне Құдайдың жәрдемін тіледі.