Әділ Иоанн Кронштадтскийді еске алу күні Митрополиттік округтің Басшысы Есік қаласындағы Покровский храмында Құдайлық Литургияны өткізді

2 қаңтар 2026 жыл -  Христос Рождествосының алдындағы кезең, қасиетті азап шегуші Игнатий Богоносецтің және әділ протоиерей Иоанн Кронштадтскийдің еске алу күні.

Астана және Қазақстан митрополиті Александр Алматы облысы Есік қаласындағы Қасиетті Құдай Анасының Покровский құрметіне арналған храмда Құдайлық Литургияны өткізді.

Қазақстан Митрополиттік округінің Басшысына қызмет еткендер: Қазақстан Митрополиттік округі басқармасының іс жүргізушісі Қаскелең епископы Геннадий, Ақтөбе және Қызылорда епископы Игнатий, Талдықорған епископы Клавдиан және Талғар епископы Вениамин; Алматы қаласындағы Құдай Анасының «Барлық қайғырғандарға Қуаныш»  белгішесі құрметіне арналған храмның басшысы протоиерей Евгений Воробьев, Христорождественский соборының кілтшісі протоиерей Александр Гайченя, Маловодное ауылындағы Құдай Иенің Богоявление мейрамына арналған храмның басшысы протоиерей Николай Ткаченко, Талғар қаласындағы Параскевинский приходының басшысы протоиерей Владимир Барташевич, Есік қаласындағы Спасо-Силуанова монастырінің басшысы игумен Назарий (Марков), Түрген ауылындағы Михаило-Архангельский шіркеуінің бвсшысы иеромонах Варсонофий (Ларионов), митрополиттің жеке хатшылығының жетекшісі иеромонах Прохор (Ендовицкий), Саймасай (Александровка) ауылындағы Александр Невский шіркеуінің басшысы иерей Роман Клюев, Талғар шіркеу округінің уақытша өкілі, Талғар қаласындағы Никольский храмының басшысы иерей Кирилл Фрейганг; Қазан соборының басшысы иерей Георгий Рублинский, иеромонах Амвросий (Дудонов); протодиакон Николай Гринкевич, митрополиттің протокол қызметінің басшысы протодиакон Роман Головин, протодиакон Владимир Сыровацкий, диакон Георгий Ткаченко.

Астана және Қазақстан митрополиті Александрдың батасымен Покровский храмына Санкт-Петербург қаласындағы Карповкадағы Иоаннов ставропигиалдық әйелдер монастырінде, әділ Иоанн Кронштадтскийдің қабірінде қасиеттелген оның қасиетті бейнесі жеткізілді. Белгішенің киотында Кронштадттық әділ пастырьдің киімінің бір бөлігі және әулие Иоанн Иоаннов монастырінде отырғызылған емен ағашының бір бөлігі сақталған.

Литургиялық әндерді диакон Александр Пивняның басқаруымен Алматы епархиясының ерлер хоры орындады.

Құдайлық қызмет кезінде Қазақстан Православие Шіркеуінің хатшысы, Ресей Федерациясының еңбек сіңірген өнер қайраткері, Қазақстан Митрополиттік округі хорының регенті, орыс шіркеу әнін дамыту жөніндегі Патриархтық кеңестің мүшесі О.Н. Овчинников, сондай-ақ Есік қаласының және оған іргелес елді мекендердің тұрғындары дұға етті.

Бірлесу алдындағы уағызды Қаскелең епископы Геннадий айтты.

Литургия соңында қасиетті Иоанн Кронштадтскийдің бейнесі мен құрметтелетін қасиетті жәдігерлер алдында Құдайдың сүйіктісі Иоанн Кронштадтскийге және қасиетті азап шегуші Игнатий Богоносецке мадақ айту рәсімі өтті.

Одан кейін Русь Православие Шіркеуінің Басшысы, Мәскеу және бүкіл Русь Патриархы Кириллге; Қазақстан Митрополиттік округінің басшылығына, жоғары мәртебелі архипастырьларға, дін қызметкерлеріне, монашестволық қауымға және Құдай сақтаған православие қауымына; Қазақстан Республикасының Президентіне, билік өкілдеріне, әскерге және бүкіл халқына көп жылдық тілек жарияланды.

Митрополит жиналған қауымды Бүкілресейлік әкенің еске алу күнімен құттықтап, содан кейін қатысушыларға тәлімдік сөзін айтты.

Архипастырлық еңбектерін ескере отырып және туған күніне 60 жыл толуына байланысты митрополит Александр епископ Игнатийге Қарағандылық қасиетті діндар Севастиан орденін табыс етті. Сондай-ақ Жоғары Мәртебелі Ақтөбе епархиясының басқарушысы епископ Игнатийді есімі күнімен құттықтап, оған рухани және тән саулығын, ұзақ ғұмыр, Қасиетті Шіркеуге қызметінде Құдайдың жәрдемін тіледі. Осыдан кейін қасиетті просфора мен естелік панагия сыйлады.

«Әділ протоиерей Иоанн Кронштадтскийді іс жүзінде біздің замандасымыз деуге әбден болады. Оның жер бетіндегі өміріне, дұғалық ерлігі мен жасаған кереметтеріне куә болған кейбір адамдар оның әулиелер қатарына қосылған күнге дейін өмір сүрді. Маған сондай жандармен жеке таныс болу бақыты бұйырды. Менің рухани әкем, мәңгі естелікте қалған әулие, Тихвин архиепископы Мелитон (Соловьев), 1986 жылы дүниеден өткен, әке Иоаннның өз аузынан айтылған өсиеттерін естіген адам еді. Әмірші Мелитон өзінің балалық шағында ұлы әділ жанмен болған кездесуді жиі еске алатын. Әке Иоанн бала Михаил Соловьев — болашақ әулиеге —: «Құдайдың Шіркеуін сүй, сонда оған ешқашан зиян келтірмейсің», — деген екен. Бұл сөздерді Кронштадттық пастырь рухани өсиет ретінде архиепископ Мелитон маған және өзге де рухани шәкірттеріне жеткізді. Оның тағдырында айқын бір керемет те болды. 1934 жылы жас иерей Михаил Соловьевке әке Иоанн түсінде аян берді. Бұл аян өте айқын еді. Әділ жан діндарға әмірлі үнмен: «Мені мойында!» — деп тіл қатты. Келесі күні әке Михаил тұтқындалды. Тергеу барысында тергеуші: «Сіз монархист, священник Иоанн Сергиевті құрметтейсіз бе?» — деп сұрады. Сол қорқынышты сәтте әмірші Мелитон әділ жанның атынан бас тартқан жоқ, ол әке Иоанн Кронштадтскийді шын мәнінде мойындады. Сол арқылы әулие оған ғажайып көмек көрсетіп, оны сөзсіз өлімнен құтқарды. Ол кезеңде протоиерей Иоанн Кронштадтскийді құрметтейтінін ашық айту ату жазасына дейін апаратын қатаң жазаларға себеп болуы мүмкін еді. Әмірші Мелитон мұны жақсы түсінгенін, бірақ бас тартуға, жалтаруға ары жібермегенін айтып отыратын. Кронштадттық әділ жан көрсеткен керемет митрополит— белсенді шіркеу қайраткері әрі сенімнің батыл мойындаушысының — Нестордың (Анисимов) өмірін түбегейлі өзгертті. Бұл оқиға Николай (әлемдегі аты) студент кезінде болды. Бір жазда ол Қазан қаласынан демалысқа туған Вятка жеріне келгенде, анасы Антонина Евлампиевна өлім аузында жатты. Дәрігерлер оның өмір сүруіне үміт жоқ екенін айтқан еді. Сол кезде Вяткаға әке Иоанн Кронштадтский келген болатын. Ерекше табандылық танытып, Николай әкені үйлеріне келуге көндірді. Кронштадттық пастырьдің дұғалары мен Құдай сұралғанды береді деген сенімі керемет жасады — Антонина Евлампиевна көз алдына сауығып кетті. Бұл ғажайып жазылу жас жігітке зор әсер етіп, ол әке Иоаннға еліктеп, ынталы әрі еңбекқор діндарға, ағартушы мен дұғагерге айналды. Кронштадттық пастырь қазіргі Қазақстан аумағында да кеңінен танымал болды. Павлодар көпесі Артемий Иванович Деровтың өтініші бойынша әке Иоанн Воскресенский көмір кенішін игеруге батасын беріп, кейін Қазақстандағы ең ірі көмір алабы — Екібастұз қимасының негізі қаланды. Әке Иоаннның дұғалық және қаржылық қолдауының арқасында Семей қаласында Православиелік Қырғыз миссиясы өз қызметін бастады. Кронштадттық әділ жанның рақымды көмегін Семиречье өлкесінде Христос үшін азап шеккен жерлестеріміз — діндар Евстафий Малаховский мен Шығыс Қазақстанның шежірешісі, діндар Борис Герасимов та куәландырады.

Кронштадттық тақуа өзінің батасымен Мәскеу рухани академиясының студенті Александр Соловьевті «қиын пастырлық жолға шығу» шешімінде нығайтты. Ол кейін Семей қаласындағы Знамен соборының настоятелі, XIX ғасырдың соңы — XX ғасырдың басындағы Ертіс өңірінің көрнекті шіркеулік және қоғамдық қайраткері болды. Верный епископы, қасиетті азап шегуші Пимен (Белоликов) әке Иоанн Кронштадтскиймен туыстық байланыста болып, оның тәрбиесін көрген. Жас кезінде епископ Пимен каникул уақытын жиі әке Иоаннның үйінде өткізген. Кронштадттық пастырьдің рақымды ықпалымен болашақ әулие мен шейіттің рухани болмысы қалыптасты. Құдайсыз билік жылдарында протоиерей Иоанн Сергиевтің есімі тыйым салынғанымен, сол кезеңде де архипастырьлар мен діндарлар мінберлерден оның өмірін сенушілерге үлгі етіп көрсетіп отырды. «Оның кеудесін крест безендірді, ал жаны тек өз қауымына ғана емес, бүкіл сенуші Ресейге жоғары ізгіліктің нұрын шашты», — деп айтқан еді әулие-мойындаушы, Алматы митрополиті Николай. Қасиеттілік жолындағы тақуа митрополит Иосиф (Чернов) бір уағызында Кронштадттық пастырьді былай мадақтаған: «Қазір де оның дұғасы Русь жеріндегі бейбітшілік үшін, игі Русьтің беріктігі үшін, тақуалық үшін, жанымыз бен тәніміздің ауруларынан айығу үшін тоқтаусыз жалғасып келеді». Кронштадттық әділ жанның өмірі мен рухани ерлігі жан-жақты зерттелген, ол туралы көптеген кітаптар мен монографиялар жазылған. Алайда тақуаның өмірбаянын қайта оқыған сайын, ол туралы жаңа немесе бұрыннан белгілі естеліктермен танысқан сайын, пастор тұлғасы әрдайым жаңа қырларымен ашыла береді». Митрополит Александрдың уағызынан.