Митрополиттік округ басшысы оқу жылының басталуына орай Алматыдағы жексенбілік және жалпы білім беретін мектептердің оқушылары үшін дұға оқыды.

Қазан соборындағы Литургия аяқталғаннан кейін Астана және Қазақстан митрополиті Александр жаңа оқу жылы басталар алдында дұға жасады.

Митрополиттік округ басшысымен бірге дұға еткендер: Астана епархиясының викарийлері – Талдықорған епископы Клавдиан және Талғар епископы Вениамин; Алматы шіркеулерінің құрметті өкілі, Никольск шіркеуінің басшысы протоиерей Валерий Захаров, Христорождественский шіркеуінің ключары протоиерей Александр Гайченя, Литургияда қызмет ететін дін қызметкерлері.

Дұға етуге қатысқандар: қалалық жексенбілік мектептердің ұстаздары мен тәрбиеленушілері, Алматы қаласының жалпы білім беретін мектептері мен зайырлы оқу орындарының оқушылары қатысты.

Әнді Н.Головинаның жетекшілігімен оңтүстік астананың жексенбілік мектептерінің біріккен балалар хоры  орындады.

Дұға ету барысында білім алушыларға барлық жақсы және пайдалы білімді меңгеруде ақыл, даналық, күш пен қуат беру сұралынды.

Салтанатты шара соңында митрополит Александр жиналғандарға ғибратты сөз сөйлеп, ақ батасын беріп, жастарға Құдайдан жәрдем, денсаулық және барлық істерде сәттілік тіледі.

Ғибадат етуге қатысушылар естелік ретінде Құдай Анасының Феодоровский және Қазан бейнелері бар белгішелерді, сондай-ақ тәтті сыйлық алды.