10 қараша 2024 жыл – Елуінші күн мейрамынан кейінгі 20-шы апта; Ұлы шейіт Параскева-Пятница,әулие Димитрий Ростовский және құрметті Иова Почаевскийді еске алу күні.
Жексенбі күні православие халқы қастерлейтін әулиелерді еске алу күні Астана және Қазақстан митрополиті Александр Қазақстан елордалық округінің өкілдігі - Мәскеудің Патриархалдық қонақылық үйіндегі қасиетті шейіттер Вера, Надежда, Любовь және Софияның атындағы шіркеуде Құдайлық Литургияны атап өтті.
Миусидегі шіркеуде ең қасиетті Құдай Анасының ғажайып Феодоровский белгішесінің «мера в меру» дәл тізімі бар. XIII жүзжылдықтағы осы Құдай Анасының ежелгі бейнесімен Ұлы Герцог Ярослав Всеволодович өзінің ұлы, Невский лақап атымен аталатын князь Александрға үйленуге батасын берді. Ардақты билеушінің бұйрығымен осы оқиғаны еске алу үшін белгішенің артқы жағында изографтар оның әйелі Ұлы шейіт Параскева Пятница - көктегі билеуші бейнесін салды. Сонымен бірге тізімнің артқы жағында митрополит Александрдың батасымен, көрнекті иконалар суретшісі - Ресей Федерациясының еңбек сіңірген суретшісі С.Н. Соколовпен Әулие Параскева бейнеленген.
Сондай-ақ София шіркеуінде Успен Почаевский монастырінің сыйлығы - құрметті Иова Почаевскийдің белгішесі, оның қасиетті жәдігерліктерінің бөлігі орналасқан.
Қазақстан Православие Шіркеуінің Басшысына қызмет еткендер: қасиетті шейіттер Вера, Надежда, Любовь жіне анасы София шіркеуінің кілтшісі иеромонах Антоний (Дробязко); дін ғылымдарының кандидаты, медицина ғылымдарының докторы, профессор игумен Агафангель (Гагуа); протоиерей Павел Вишневский, Ресей Федерациясы Денсаулық сақтау министрлігі оториноларингология ғылыми-клиникалық орталығының Никольск үй шіркеуінің кілтшісі протоиерей Лев Азноварян; Лисаковск қаласындағы қасиетті Иоанн Кронштадт шіркеуінің басшысы протоиерей Олег Калмыков, иеромонах Даниел (Макагон); диакон Анатолий Леденев, диакон Роман Фролов.
Анна Рожнованың жетекшілігімен шіркеу хоры ән шырқады.
Қасиетті өлең туралы уағызды протоиерей Лев Азноварян айтты.
Ғибадат ету Ұлы шейіт Параскева-Пятница, әулие Димитрий Ростовский және құрметті Иова Почаевскийді мадақтаумен аяқталды.
Митрополиттік округтің басшысы диакон Анатолий Леденевті тағайындалғанына 10 жыл толуымен құттықтап, оған Иемізден мейірім, күш-қуат және Мәсіх шіркеуіне көп жылдар бойы мінсіз қызмет етуді тіледі.
Митрополит Александр жиналғандарға уағыз айтты. Иерарх діни қауым мүшелеріне Іле өлкесінде Ұлы шейіт Параскеваның ерекше құрметі және онымен байланысты тақуалық дәстүрлер туралы айтып берді.
Ежелгі халық аңыздарында айтылғандай, ХІХ ғасырда Алматыдан бірнеше шақырым жерде, қазіргі «Өмір сыйлайтын бұлақ» ғибадатханасы орналасқан аймақта Ұлы шейіт Параскееваның бейнесі пайда болып, жерден шипалы судың бұлағын ашады. Төңкеріске дейін қасиетті бұлаққа кқпшілік жиналатын діни шерулер өткізілетін. Ұлы шейіт Параскеваға дұға ету арқылы 1864 жылы София ауылында (қазіргі Талғар қаласы) және бүкіл Іле өңірінде шегірткелердің жойқын шабуылы тоқтатылды. 1908 жылы бұлақтан алыс емес жерде Құдай Анасының «Өмір сыйлайтын бұлақ» белгішесінің құрметіне арналған ғибадатханамен Верненско-Серафим монастырының ауласы салынды. Ғибадатхананы жаңғырту 2003 жылы басталды.
Митрополит Александр оқиғаны былайша әңгімелеп берді: «Бірде маған өте егде жастағы бір адам келіп, кішкентай кезінде әжесі екеуі киелі бұлаққа су алу үшін барғанын айтып берді. «Қалыпты дәстүр бойынша қажылар суға, тамаша бұлақтың жанына ұсақ монеткалар – тиындар лақтырған. Қасиетті құдықтың түбіне күн сәулесі түскенде олар суда жарқырап, жарқырап тұрды», - деп еске алды бұл адам. «Сонымен, мен қарсы тұра алмадым және әжем қарамай тұрғанда осындай бір ақшаны алдым, - деп өкінді ол, - мен бұл тиынды өмір бойы ұстадым. Туған жерімді, балалық шағымды есте сақтау үшін қалдырдым». Осы сөздерден кейін ол шіркеу мұражайына қос басты қыран салынған тиынды тапсырды».
Басты бет
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр