Митрополиттік округтің Басшысы Қостанайдағы Рождестволық концертке қатысты

11 қаңтар 2026 жыл. Қостанай.

Никольский ғибадатханасы жанындағы салтанат залында Рождестволық концерт өтті. Мерекенің басты қонағы Астана және Қазақстан митрополиті Александр болды.

Іс-шараны Қостанай епархиясының жексенбілік мектептерінің оқытушылары ұйымдастырды.

Мерекелік кешке қатысқандар: Қазақстан Православие Шіркеуінің хатшысы, Ресей Федерациясының еңбек сіңірген өнер қайраткері, Қазақстан Митрополиттік округі хорының регенті, орыс шіркеулік ән айтуын дамыту жөніндегі Патриархтық кеңесінің мүшесі О.Н. Овчинников; Қостанай епархиясының хатшысы иеромонах Геннадий (Бурдюжа); Сарыкөл шіркеулік округінің құрметті өкілі протоиерей Виталий Клеба; митрополиттің жеке хатшылығының басшысы иеромонах Прохор (Ендовицкий), сондай-ақ Қостанай епархиясы храмдарының жамағаты.

Қазақстан Православие Шіркеуінің Басшысы залда жиналған қауымды адамдарға арналған бейбітшілік пен Құдайдың сүйіспеншілігі мерекесі — Христостың Рождествосымен шын жүректен құттықтады.

Митрополиттің құттықтау сөзінен кейін Қостанай епархиясының жексенбілік мектептерінің шығармашылық ұжымдарының концерті өтті. Көрермендер назарына рухани әндер мен Рождестволық жырлар ұсынылды. Мерекенің басты қойылымы «Машаның Мұз патшалығына саяхаты» атты театрландырылған көрініс болды.

Рождестволық кеш соңында Жоғары Мәртебелі мерекелік шараға Құдай Сәбиі Иса Мәсіхті мадақтау үшін келген барлық балаларға Рождестволық сыйлықтар табыстады.