Оңтүстік астанада жастарға арналған Рождестволық бал өтті

11 қаңтар 2026 жыл. Алматы.

Астана және Қазақстан митрополиті Александрдың батасымен Оңтүстік астанадағы «Igilik Palace» банкет залында жастарға арналған Рождестволық бал өтті.

Іс-шара Қазақстан Митрополитттік округінің Жастар ісі жөніндегі комиссиясы (жетекшісі — иерей Георгий Рублинский) тарапынан, «Eleos-Meirim» қоғамдық қорының (президенті — В.М. Капсамун) қолдауымен ұйымдастырылды.

Мерекелік бағдарламаға қатысқандар: Астана православиелік жастар қозғалысының жетекшісі иерей Сергий Дианов, Қазақстан астанасы мен Алматы қаласының православиелік жастар ұйымдарының мүшелері, жексенбілік мектептердің тәрбиеленушілері мен олардың ата-аналары, сондай-ақ қалалық храмдардың келушілері.

Жиналған қауымға Қазақстан Митрополиттік округінің Жастар ісі жөніндегі комиссиясының жетекшісі иерей Георгий Рублинский құттықтау сөзін сөйледі. Георгий әке Қазақстан Православие Шіркеуінің Басшысы — Астана және Қазақстан митрополиті Александрдың православиелік жастарға жолдаған құттықтау лебізін жеткізді.

Салтанатты кештің сәнін «Княжичи» ерлер хоры (көркемдік жетекшісі — С. Редькин), сондай-ақ Оңтүстік астананың музыкалық және би ұжымдары өз өнерлерімен келтірді.

Кеш бағдарламасына дәстүрлі хореографиялық нөмірлер — веналық вальс пен полонез, сондай-ақ байқау бағдарламасы, еркін билер және зияткерлік викторина кірді.

Билер арасындағы үзілісте барлық қатысушыларға дастарқан жайылды.

Салтанатты шараға 400-ден астам адам қатысты.