Алматы рухани семинариясында педагогикалық кеңестің кезекті отырысы өтті

9 ақпан 2026 жылы Алматы православиелік рухани семинариясында рухани оқу орнының ректоры, богословия кандидаты, протоиерей Евгений Ивановтың төрағалығымен педагогикалық кеңестің отырысы өтті.

Жиналысқа қатысқандар: тәрбие ісі жөніндегі проректор иерей Иоанн Ливинский, оқу ісі жөніндегі проректор иерей Петр Бахтияров, ғылыми жұмыс жөніндегі проректор, философия ғылымдарының кандидаты А.П. Соловьев; библиялық-богословиялық кафедраның меңгерушісі, богословия кандидаты иерей Олег Лисин; шіркеу тарихы кафедрасының меңгерушісі протоиерей Александр Гайченя, шіркеу-тәжірибелік кафедрасының меңгерушісі, богословия кандидаты иерей Владислав Пашков; Алматы рухани семинариясының инспекторы иерей Евгений Бессонов, рухани мектеп кеңсесінің меңгерушісі иерей Александр Шишлов, сырттай оқу бөлімінің меңгерушісі иерей Даниил Бобылев, АПРС регенттік бөлімінің меңгерушісі В.В. Дударева, шет тілдері кафедрасының меңгерушісі М.Г. Иванова, шіркеу тарихы кафедрасының хатшысы иерей Георгий Сидоров, рухани оқу орнының оқытушылар корпусының мүшелері.

Отырыс басында протоиерей Евгений оқытушыларға құттықтау сөзін айтып, жиналғандарды 2025–2026 оқу жылының екінші семестрінің басталуымен құттықтады, содан кейін күн тәртібін жариялады.

Одан кейін оқу ісі жөніндегі проректор иерей Петр Бахтияров қорытынды жазғы сессияны өткізу мерзімдері мен бітіру біліктілік жұмыстарын қорғау уақытын хабарлап, салтанатты бітіру актісінің күнін белгіледі.

Келесі болып тәрбие ісі жөніндегі проректор иерей Иоанн Ливинский баяндама жасап, екінші жартыжылдықтағы тәрбиелік жұмыстың негізгі бағыттарын таныстырды.

Жиналыс барысында кафедра меңгерушілері бірінші жартыжылдықта өздерінің оқу бөлімшелерінің атқарған жұмыстары туралы есеп берді.

Кеңестің басты тақырыбы — семинарияны Орыс Православие Шіркеуінің Оқу комитеті жүргізетін алдағы инспекциялық тексеріске дайындау мәселесін талқылау болды.

Отырыс соңында Алматы семинариясының ректоры протоиерей Евгений Иванов рухани оқу орнының игілігі жолындағы еңбектері үшін жиналғандарға алғысын білдіріп, әкімшілік мүшелері мен оқытушыларға тиісті тапсырмалар берді.