Астана және Қазақстан митрополиті Александрдың «Шығыс пен Батыстағы дін философиясы» атты IV Халықаралық конференцияның қатысушы қонақтарымен кездесуі өтті

27 сәуір 2026 жыл. Алматы. Қазақстан Митрополиттік округінің митрополит Иосиф (Чернов) атындағы рухани-мәдени және әкімшілік орталығында Астана және Қазақстан митрополиті Александрдың «Шығыс пен Батыстағы дін философиясы» атты IV Халықаралық ғылыми конференциясының делегаттарымен кездесуі өтті.

Қазақстандағы Православие Шіркеуінің Басшысымен өткен кездесуге богословие, философия және діни философия салаларында ғылыми жұмысты ұйымдастыруға елеулі үлес қосқан жетекші ғалымдар қатысты. Қонақтардың қатарында болғандар: Краков қаласындағы Иоанн Павел II атындағы университеттің философия факультетінің орыс және византиялық философия кафедрасының меңгерушісі, профессор сестра Тереза Оболевич; Парма университетінің (Италия) гуманитарлық, әлеуметтік және мәдени пәндер факультетінің орыс әдебиеті профессоры М.К. Гидини; Краковтағы Иоанн Павел II атындағы Папалық университеттің философия факультетінің антикалық және ортағасырлық философия тарихы кафедрасының ассистенті, философия докторы, дін қызметкері Конрад Рычик; Римдегі Папалық Григориан университетінің философия докторы, дін қызметкері Роберт Слесинский.

Кездесуге қатысқандар: Митрополиттік округтің хатшысы, Патриарх кеңесінің шіркеулік ән айту ісін дамыту жөніндегі мүшесі, Ресейдің еңбек сіңірген өнер қайраткері О.Н. Овчинников; Алматы рухани семинариясының ректоры, Митрополиттік округтің ақпараттық бөлімінің басшысы, богословие кандидаты протоиерей Евгений Иванов; семинарияның тәрбие жұмысы жөніндегі проректоры иерей Иоанн Ливинский; оқу ісі жөніндегі проректор иерей Петр Бахтияров; ғылыми жұмыс жөніндегі проректор, философия ғылымдарының кандидаты А.П. Соловьев; Митрополиттік округ Басшысының көмекшісі иерей Георгий Сидоров.

Қонақтарды қарсы алған митрополит Александр оларды Алматыға сапарлары және Қасиетті Пасха күндері Оңтүстік астанада ұйымдастырылған «Шығыс пен Батыстағы дін философиясы» атты IV Халықаралық ғылыми конференцияға қатысқандары үшін алғысын білдірді. Архипастырь ұсынылған университеттердің делегаттарының ғылыми және білім беру қызметін жоғары бағалап, мұндай беделді алаңдардың академиялық, конфессияаралық және азаматтық диалогты дамытудағы маңызын атап өтті.

Иерарх ғалымдарға Қазақстандағы Православие Шіркеуінің өмірі туралы айтып, Митрополиттік округте жүргізіліп жатқан ағартушылық қызметке ерекше тоқталды.

Протоиерей Евгений Иванов қонақтарға Қазақстандағы Православие Шіркеуі үшін мамандар даярлайтын негізгі оқу орны – Алматы рухани семинариясының қызметі туралы айтып берді. Аталған оқу орны Қазақстан Республикасының заңнамасына сәйкес білім беру қызметін жүзеге асыруға мемлекеттік лицензияға ие.

Кездесудің соңында, жылы әрі достық жағдайда өткен жиында, Жоғары мәртебелі митрополит ғалымдарға өзінің «Орта ғасырлар дәуіріндегі Орталық Азиядағы христиандық» атты ғылыми еңбегін, 2026 жылға арналған Митрополиттік округ күнтізбесін және Қазақстандық жаңа азап шегушілер мен сенімін мойындаушылар Соборының белгішесін сыйға тартты. Қонақтар өз кезегінде архипастырьға орыс діни философиясына арналған ағылшын тіліндегі ғылыми еңбектерін табыстады.

Кездесу соңында барлығы естелік суретке түсті.