Қазақстан Православие Шіркеуінің Басшысы Петропавл епархиясының шіркеу-археологиялық музейінің жаңартылған экспозицияларымен танысты

29 сәуір 2026 жыл. Петропавл. Қазақстан Православие Шіркеуінің Басшысы Астана және Қазақстан митрополиті Александр Бүкіл Әулиелер храмының аумағында орналасқан Петропавл епархиясының шіркеу-археологиялық музейіне барды.

Иерархты Көкшетау және Ақмола архиепископы Варсонофий, Петропавл және Булаево архиепископы Владимир, епархиялық басқарманың хатшысы протоиерей Сергий Первушин, Митрополиттік округ Басшысының әкімшілік хатшылығының жетекшісі иерей Георгий Сидоров сүйемелдеді.

Архипастырлармен бірге музейге «Eleos-Meirim» қоғамдық қорының президенті В.М. Капсамун да келді.

Экспозицияларды қарамас бұрын қонақтар Бүкіл Әулиелер приходының тыныс-тіршілігімен танысып, кілтшы иерей Антоний Шувакинмен, дін қызметкерлерімен және шіркеу қызметшілерімен әңгімелесті. Одан кейін храмның басты қасиетті жәдігері – 

 Құдай Анасының мироточивый Иверский  иконасына тағзым етіп, Пасха мерекесіне арналған мадақтау дұғасын орындады.

Шіркеу-археологиялық музей бойынша экскурсияны Петропавл және Булаево архиепископы Владимир мен музей директоры В.А. Махиня жүргізді. Әмірші алғашқы музейлік экспозиция Орыс Православие Шіркеуінің Архиерейлік соборларының ХХ ғасырда православиелік сенім үшін азап шеккен жаңа азап шегушілер мен сенімді мойындаушылардың естелігін мәңгі есте қалдыру туралы шешіміне сәйкес ұйымдастырылғанын атап өтті.

«Музейдің орталық экспозициясында Бүкіл Әулиелер приходының тарихын баяндайтын құжаттар мен фотосуреттер, археологиялық қазбалар кезінде табылған заттар, құлшылыққа арналған бұйымдар мен кітаптар, Петропавл және Ақмола епископы қасиетті азап шегуші Мефодийдің және 1956–1960 жылдары Петропавл кафедрасын басқарған Алматы және Қазақстан митрополиті Иосифтің (Чернов) киімдері мен жеке заттары ұсынылған. Сонымен қатар экспонаттар арасында орыс халқының мәдениеті мен тұрмысын бейнелейтін артефактілер де бар», – деп атап өтті архиепископ Владимир.

Петропавл епархиясының басқарушысы қонақтарға музей ғимаратын жаңғырту жұмыстары туралы мәлімет берді: «Өткен жылдың көктемінде приход музей ғимаратын қайта жаңарту туралы шешім қабылдады, себебі ол барлық экспонаттарды сыйғыза алмайтын болды. Сонымен қатар ХХ ғасырдың ортасында салынған ғимарат тозған еді. 2025 жылдың мамыр айында жұмыстар басталды. Қазіргі уақытта реконструкция аяқталып, музей қоры жаңартылды және жаңа тақырыптық бөлімдер құрылды».

Кездесу барысында В.А. Махиня қатысушыларды Ұлы Отан соғысына, сондай-ақ соғыс кезеңі мен КСРО дәуірінің тұрмысына арналған жаңа экспозициялармен таныстырды.

Митрополит Александр, архиепископ Варсонофий және В.М. Капсамун құрметті қонақтар кітабына жазба қалдырып, кейін Петропавл епархиясының басқарушысына және музей қызметкерлеріне мазмұнды әрі жан-жақты ойластырылған экспозициялар жасаған еңбектері үшін алғыстарын білдірді.