Алматы православие рухани семинариясында бітіру біліктілік жұмыстарының қорғалуы өтті

19 маусым 2026 жыл. Алматы. Астана және Қазақстан митрополиті Александрдың батасымен Алматы православие рухани семинариясында күндізгі және сырттай бөлімдердің 4-курс студенттерінің бітіру біліктілік жұмыстарының қорғалуы өтті.

Бітіру аттестаттау комиссиясын Алматы православие рухани семинариясының ректоры, теология кандидаты, протоиерей Евгений Иванов басқарды.

Жұмыс тобының құрамында болғандар: тәрбие жұмыстары жөніндегі проректор, иерей Иоанн Ливинский; оқу жұмыстары жөніндегі проректор, иерей Петр Бахтияров; ғылыми жұмыстар жөніндегі проректор, философия ғылымдарының кандидаты А.П. Соловьев; библиялық-теологиялық кафедраның меңгерушісі, теология кандидаты, иерей Олег Лисин; шіркеу тарихы кафедрасының меңгерушісі, протоиерей Александр Гайченя; шіркеулік-практикалық кафедраның меңгерушісі, теология кандидаты, иерей Владислав Пашков; Митрополиялық округтің қоғаммен байланыс бөлімінің жетекшісі, Вознесение кафедралды соборының кілтшісі, АПРС ғылыми қызметкері, протоиерей Александр Суворов; шіркеу тарихы кафедрасының хатшысы, Митрополиттік округ Басшысының әкімшілік хатшылығының жетекшісі, иерей Георгий Сидоров; сырттай бөлімнің меңгерушісі, иерей Даниил Бобылев; рухани мектеп кеңсесінің меңгерушісі, иерей Александр Шишлов; библиялық-теологиялық кафедраның оқытушысы, игумен Филипп (Моисеев); шіркеулік-практикалық кафедраның оқытушылары иеромонах Исаак (Истелюев), иерей Кирилл Громов және Г.А. Жевлаков; шіркеу тарихы кафедрасының оқытушысы, иерей Кирилл Фрейганг; шіркеу тарихы кафедрасының ғылыми қызметкері, иерей Михаил Березин.

Жиналғандар игі істің басталуына арналған дұғаларды оқығаннан кейін, протоиерей Евгений Иванов оқытушылар құрамын және студенттерді құттықтап, Қазақстан Православие шіркеуінің Басшысы митрополит Александрдың батасын жеткізді.

Студенттердің баяндамалары аяқталғаннан кейін аттестациялық комиссияның отырысы өтіп, қорғау нәтижелері жарияланды. Оқытушылар ұсынылған дипломдық жұмыстардың сапасының жоғары екенін және олардың шіркеу өмірінің қазіргі даму кезеңіндегі өзектілігін атап өтті.

Алматы православие рухани семинариясының ректоры протоиерей Евгений Иванов комиссия мүшелерінің атынан оқытушылар қауымына атқарған еңбектері үшін алғысын білдіріп, түлектер мен олардың ғылыми жетекшілерін дипломдық жұмыстарын сәтті қорғауларымен құттықтады.

Іс-шара соңында қатысушылар естелікке ортақ суретке түсті.