«Аспан. Адам. Дала» Еуразиялық православие жастары форумы өз жұмысын аяқтады

2026 жылғы 2 тамызда Мәскеу және бүкіл Русь Патриархы Әулие Кириллдің батасымен ұйымдастырылған «Аспан. Адам. Дала» Еуразиялық православие жастары форумы өз жұмысын аяқтады.

Алматы облысының Қолды ауылында өткен форумға Қазақстан Митрополиялық округінің барлық епархияларынан келген 500-ден астам адам -      Қазақстан Митрополиялық округінің барлық епархияларының делегаттары, епархиялық және приходтық жастар ұйымдарының жетекшілері мен мүшелері, жастар және ағартушылық жұмыстарға жауапты қызметкерлер, қоғамдық, діни және әлеуметтік мәселелер жөніндегі сарапшылар, сондай-ақ Ресей, Беларусь, Өзбекстан және Қырғызстаннан келген қонақтар болды.

Форумды Қазақстан Митрополиттік округінің жастар ісі жөніндегі комиссиясы мен Алматы епархиясының православие жастар қозғалысы «Eleos-Meirim» қоғамдық қорының (президенті – В.М. Капсамун) қолдауымен ұйымдастырды.

Төрт күн бойы қатысушылар діни тақырыптағы зияткерлік сайыстарға, шеберлік сабақтарына, вокалдық және аспаптық байқауларға, спорттық жарыстарға қатысып, жас ұрпақ үшін өзекті мәселелерге арналған пікірталастарға қатысты, сондай-ақ белгілі уағызшылардың дәрістерін тыңдады. Дін қызметкерлері мен педагогтердің бірлескен еңбегі, мазмұнды бағдарлама және форумдағы ерекше христиандық рухтың арқасында жастар уақыттарын қызықты әрі пайдалы өткізіп, Православие дәстүріндегі рухани-адамгершілік құндылықтарды тереңірек танып-білуге мүмкіндік алды.

Форум аясында жастар келесі спикерлермен кездесті:

• Мәскеу облысы Нахабино кентіндегі Георгий храмының басшысы, көптеген ағартушылық жобалардың авторы, миссионер әрі православие блогері, иерей Павел Островский – «Цифрлық сын-қатер: қазіргі әлемдегі жасанды интеллект»;
• Қазақстан Митрополиттік округі істерінің басқарушысы, Қаскелең епископы Геннадий – «Жастардың шіркеу өміріне араласуының өзекті мәселелері»;
• Минск епархиясының миссионерлік (ағартушылық) бөлімінің басшысының орынбасары, блогер, иерей Давид Бобров – «Адам жақсылықты таңдауға ерікті»;
• Қасиетті Синодтың Жастар ісі жөніндегі бөлімінің қызметкері, диакон Евгений Есауленко – «Берген алғаннан артық бақыт әкеледі».

1 тамызда, қасиетті Саровтық Серафимді еске алу күні, Астана және Қазақстан митрополиті Александр шатырлы қалашықтағы дала храмында Құдайлық Литургияны басқарды. Құдайға құлшылықта форум қатысушылары дұға етіп, Мәсіхтің Қасиетті Құпияларымен  бірлесу болды.

2 тамызда Митрополиттік округ Басшысының батасымен Қазақстан Православие Шіркеуінің жастар ісі жөніндегі комиссиясының төрағасы, Ақтөбе және Қызылорда епископы Игнатий жексенбілік Құдайлық Литургияны басқарды.

Сол күні форумның жабылу рәсімі өтті. Оның барысында спорттық және зияткерлік жарыстардың жеңімпаздары бағалы сыйлықтармен марапатталды. Епископ Игнатий жастарға арнаған архипастырлық сөзінде жастарға қызмет етудің Шіркеу үшін маңыздылығы мен өзектілігін атап өтті. Сонымен қатар ол өзінің орынбасары иерей Георгий Рублинскийге, форум қонақтарына және іс-шараны ұйымдастыруға атсалысқан барша азаматтарға алғыс білдірді. Архипастырь ауқымды жастар форумын өткізуге белсенді қолдау көрсеткені үшін «ELEOS-MEIRIM» қоғамдық қорының басшылығына ерекше ризашылығын жеткізді.

Өз жауабында жастар Астана және Қазақстан митрополиті Александрға, епископ Игнатийге және форум ұйымдастырушыларына алғысын айтып, өз әсерлерімен бөлісті. Делегаттардың айтуынша, форумға қатысқан әрбір жас өзін үлкен христиандық отбасының бір мүшесіндей сезініп, форум бойы жылы әрі достыққа толы ерекше ахуалдың куәсі болды.

Жастар мерекесі мерекелік концертпен қорытындыланды.