Митрополит Александрдың Росфинмониторинг басшысы Ю.А. Чиханчинмен кездесуі өтті

28 наурыз 2025 жыл. Астана. Успен кафедралды соборы мен Қазақстан Православие Шіркеуінің апостолдарға тең Кирилл мен Мефодий атындағы рухани-мәдени орталығына Ресейдің қаржылық мониторинг жөніндегі федералдық қызметінің директоры Юрий Анатольевич Чиханчин келді.

Росфинмониторинг басшысымен бірге болғандар: Ресей Федерациясының вице-премьері хатшылығы басшысының орынбасары Н.В.Паршикова, халықаралық қаржы мониторингі оқу-әдістемелік орталығының бас директоры И.А. Уваров, Росфинмониторинг қызметкерлері.

Кездесуге қатысқандар: елорда приходтарының құрметті өкілі архимандрит Сергий (Карамышев), Астанадағы Успен кафедралды соборының кілтшісі иеромонах Дмитрий (Байдек), Россотрудничествоның халықаралық гуманитарлық жобаларының жетекшісі Т.В.Зубкова.

Юрий Анатольевич қасындағылармен бірге Успен кафедралды соборында болды, онда қонақтарды архимандрит Сергиймен (Карамышев) бірге Астана және Қазақстан митрополиті Александр қарсы алды.

Жоғары Мәртебелі делегацияға экскурсия жүргізіп, ғибадатхананың құрылысы мен безендірілуі, Палех қаласындағы (Ресей, Иваново облысы) шебер изографтар артелімен жасалған қабырғалар мен күмбездердің өрнектелуі, XVII ғасырдағы дәстүр бойынша Феодор Стратилат (Ресей, Кострома) атындағы көркем-өндірістік шеберхананың оюшылары және Ресей Федерациясының еңбек сіңірген суретшісі С.Н. Соколов жасаған оюланған алтын жалатылған иконостазды және иконалық корпустардың жасалуы жайлыайтып берді. Архипастор Қазақстан астанасының бас ғибадатханасына көрнекті мемлекет, дін және қоғам қайраткерлері, оның ішінде - Православие Шіркеуінің Басшылары мен иерархтары, дәстүрлі конфессия жетекшілері, елдердің президенттері мен үкімет басшылары келгенін ерекше атап өтті.

Делегация мүшелері собордың ғибадатханаларының алдында шырақ жақты.

Келесі кезекте қонақтар апостолдарға тең Кирилл мен Мефодий атындағы Қазақстан Митрополиттік округінің рухани-мәдени орталығында болды. Архипастор Орталықтың қабырғасында жүзеге асырылып жатқан ағарту және жастар жобалары жөнінде айтты; Құдай Анасының Астана-Почаевская белгішесі құрметіне үй шіркеуін, шіркеудің мәжіліс залын, Митрополиттік округ Синодының мәжіліс залын және жексенбілік мектеп сабақтарына арналған кабинеттерді көрсетті. Ресей үкіметінің өкілдері Қазақстанның жаңа шейіттері мен конфессерлер мұражайының көрмелерімен танысып, құрметті қонақтар кітабына жазбаларын қалдырды.

Қазақстан Православие Шіркеуінің Басшысы мен Ресейдің қаржылық мониторинг жөніндегі федералды қызметінің директоры Ю.А. Чиханчинаның сұхбаттасуы рухани-мәдени орталықтың Камин залында жалғасын тапты.

Әңгімелесу барысында билеуші митрополит делегация мүшелерін Қазақстан Митрополиті округінің тыныс-тіршілігімен таныстырды, епархиялар, приходтар мен діни қызметкерлер санына қатысты статистикалық мәліметтерді ұсынды, сондай-ақ ағартушылық, мәдени, жастар және әлеуметтік жобаларды жүзеге асыру бойынша діни өкілдіктің жоспарлары туралы баяндады.

Юрий Анатольевич иерархты Қазақстан Православие Шіркеуінің Басшысы қызметін атқарғанына 15 жыл толуымен құттықтады.

Жоғары Мәртебелі құрметті қонақтарды Мемлекет басшысы Қ.-Ж.К. Тоқаевтың шақыруымен Астанаға Әлемдік және дәстүрлі діндердің VIII съезіне қатысуға  келетін Орыс Православие Шіркеуінің Басшысы Мәскеу және Бүкіл Русь Патриархы Кириллдің Қазақстанға алдағы Жоғары Басшылық сапары туралы хабардар етті.

Қаржы мониторинг жөніндегі федералды қызмет  директоры Ю.А. Чиханчин архипасторға революцияға дейінгі тарихшы И.Н. Божерьяновтың «Романовтар. Ресейге 300 жыл қызмет» атты кітаптың сыйлыққа арналған басылымын сыйға тартты.

Достық жағдайда өткен кездесу соңында тараптар бір-біріне денсаулық, жұмыстарына табыс тіледі. Митрополит округінің Басшысы мәртебелі мейманға Успен кафедралды соборы бейнеленген үстел медалін, өзінің «Орталық Азиядағы Христиандықтың тарихы» еңбегін, Қазақстан Православие Шіркеуінің 2025 жылға арналған күнтізбесін және Президент Қ.-Ж.К.Тоқаев мұны «жалпықазақ киелі орнының екінші рет туылуы» деп атаған Жетісудың рухани және мәдени інжу-маржаны – Алматының Вознесенский кафедралды соборы, оның салыну тарихы және толық ауқымды ғылыми қалпына келтіруі туралы баяндайтын кітап-альбомын сыйға тартты.