Қазақстан Православие Шіркеуінің Басшысының елорда әкімі Ж.М. Қасымбекпен кездесуі өтті

1 тамыз 2025 жыл. Астана. Елорда әкімдігінде Қазақстан Православие Шіркеуінің Басшысы Астана және Қазақстан митрополиті Александрдың мегаполис әкімі Жеңіс Махмұдұлы Қасымбекпен кездесуі өтті. Кездесуге Астана шіркеу округінің құрметті өкілі архимандрит Сергий (Карамышев) қатысты.

Билеуші митрополит мегаполис әкіміне Астана епархиясының және елордалық құрметті өкілдік округінің өміріндегі өзекті оқиғалар туралы, атап айтқанда, Бейбітшілік және Келісім сарайында бірегей тарихи-археологиялық ескерткіш – Турин Кебініне арналған көрменің ашылуы туралы айтып берді.

Иерарх қалалық атқарушы билік басшысына шараның құрметті қонақтары Қазақстан Республикасының Мәдениет және ақпарат министрі А.Г.Балаева, Қазақстан Республикасы Парламенті Сенаты Әлеуметтік-мәдени даму және ғылым комитетінің төрағасы Н.Б. Жүсіп, дипломатиялық корпус өкілдері мен дәстүрлі конфессия жетекшілері, ғылым және мәдениет қайраткерлері болғандығын айтып берді.

Ж.М.Қасымбек митрополит Александрмен әкімдіктің қызметі туралы ақпаратпен бөлісті. Ол Астанада көктемнен бері елордада жүргізіліп жатқан абаттандыру, көгалдандыру және жол жөндеу жұмыстары жалғасып жатқанын атап өтті.

Митрополиттік округ Басшысы мен елорда әкімі ағымдағы жылдың қыркүйек айында мемлекет басшысы

Қ.-Ж.К. Тоқаевтың шақыруымен әлемдік және дәстүрлі діндердің VIII Съезіне қатысу үшін Қазақстанға келетін Мәскеу және бүкіл Ресей Патриархы Кириллдің алдағы Жоғары Басшылық сапарының алдын ала бағдарламасын талқылады. 

Әңгімелесу барысында Митрополиттік округтің Астана епархиясы мен Астана әкімшілігінің өзара іс-қимыл мәселелері талқыланды.

Кездесудің маңызды тақырыптарының бірі Әулие Патриарх Кириллдің батасымен және ел Президентінің мақұлдауымен салынып жатқан Қазақстан жерінде жарқыраған Бүкіл әулиелердің құрметіне арналған мегаполисте рухани-мәдени және ағарту орталығын салу мəселесі болды. Ел астанасында құрылған ағарту орталығы мен православие шіркеуі Республикадағы ең ірі орталық мешіт кешенімен бірге Қазақстан халқының рухани күш-қуатының, бірлігі мен тарихи-мәдени мұрасына адалдығының көрнекі көрінісіне айналатыны атап өтілді. Қыркүйек айында жаңадан салынған шіркеу Орыс Православие Шіркеуінің Жоғары Басшысы сапары кезінде қасиетті етіледі деп күтілуде.

Достық жағдайда өткен кездесу соңында тараптар бір-біріне денсаулық және жұмыстарына табыс тіледі.