Қазақстан Республикасының Мәдениет және ақпарат министрі А.Г. Балаева Астана епархиясының құрылғанына 25 жыл толуына орай қонақтармен кездесті

28 қыркүйек 2024 жыл. Астана. Қазақстан Республикасының Мәдениет және ақпарат министрі Аида Ғалымқызы Балаева апостолдарға тең Кирилл мен Мефодий атындағы Қазақстан митрополиттік округінің рухани-мәдени және әкімшілік орталығында болды.

Камин бөлмесінде діни салаға жауапты министрлік басшысының Қазақстан Православие шіркеуінің басшысымен, Астана және Қазақстан митрополиті Александрмен және Астана епархиясының құрылғанына 25 жыл толуын тойлап жатқан қонақтары – Минск және Заславский митрополиті Вениаминмен, Орыс Православие Шіркеуінің Жоғарғы Шіркеу Кеңесінің мүшесі, Діни білім беру және катехезация синодтық бөлімінің төрағасы, Бүкіл Беларусь Патриархының Экзархы және Екатеринбург және Верхотурье митрополиті Евгениймен кездесуі өтті.

А.Г. Блаевамен бірге Мәдениет және ақпарат министрлігінің вице-министрі Қанат Жұмабайұлы Ысқақов болды.

Кездесуге қатысқандар: Қазақстан митрополиттік округінің хатшысы, Ресейдің еңбек сіңірген өнер қайраткері,  орыс шіркеуінің әндерін дамыту жөніндегі Патриархалдық кеңестің мүшесі О.Н. Овчинников; елорда приходтарының құрметті өкілі архимандрит Сергий (Қарамышев); Алматы православиелік діни семинариясының ректоры м.а., Митрополит округі ақпарат бөлімінің басшысы протоиерей Евгений Иванов; Митрополиттік округ басшысының әкімшілік хатшылығының басшысы иерей Георгий Сидоров, Митрополиттік хаттама қызметінің басшысы протодиакон Роман Головин; «Апостол» қоғамдық қорының басшысы Г.Г. Сосновский.

Аида Ғалымқызы митрополит Александрды, қонақ иерархтар мен кездесуге қатысушыларды Астана епархиясының құрылғанына 25 жыл толуымен және Мәскеудің құтты Матронасының жәдігерліктерінің елордаға келуімен шын жүректен құттықтады. Министр Әулие Матронаны Қазақстанда тек православиелік христиандар ғана емес, басқа да дәстүрлі конфессия өкілдері жақсы танитынын және жақсы көретінін атап өтті. Жалпы пікірге сәйкес, атақты киелі орындарды елге әкелу сияқты іс-шаралар қазақстандықтарды рухани-адамгершілік құндылықтарды сақтау туралы ойлануға шақырады және республиканың бірегей ерекшелігі болып табылатын ұлтаралық татулық пен дінаралық келісімнің ерекше атмосферасын көрсетеді.

А.Г. Балаева архипасторлық қасиетті тағайындауының 35 жылдығын атап өткен митрополит Александрға құттықтау сөзін айтты:

– Көп жылдар бойы Сіз басқаратын Қазақстанның православие шіркеуі конфессияаралық келісімді нығайту және дінаралық диалогты ілгерілетуде мемлекеттің сенімді серіктесі болып келеді. Сіздің еңбектеріңіздің Қазақстан Республикасындағы миллиондаған православие дінін ұстанушылар үшін маңызы зор. Сіздердің белсенді қатысуларыңызбен Қазақстанда жаңа ғибадатханалар салынып, тарихи қасиетті орындар қайта жаңғырды.

Шіркеу мұқтаж жандарға ұдайы қамқорлық көрсетіп, руханиятты, қоғамдағы бейбітшілік пен келісімді нығайтуға, жастарды дәстүрлі адамгершілік құндылықтардың берік іргетасына тәрбиелеуге, дінаралық қатынастарды үйлестіруге зор үлес қосуда.

Орыс православие шіркеуінің және бүкіл халқымыздың игілігі жолындағы барлық еңбектеріңізде денсаулық, бақыт, күш-қуат, қайсар рух тілеймін!

Жасаған игі істеріңіз баршаға таза иман мен ізгі үміт сыйлап, адам бойында мейірім, жанашырлық, жақынына қамқорлық жасауға, жақсылық жасауға деген құштарлықты оятсын. Ал рухани парасат пен бай өмір тәжірибесі қоғамымыздың бірлігін нығайтуға қызмет ете берсін.

Мен Қазақстанның православие қауымына Отанымыздың дамуы мен гүлденуіне қосқан елеулі үлесі үшін шексіз алғысымды білдіремін!

Министр Қазақстан Православие Шіркеуінің басшысына  – Оңтүстік Қазақстанның пейзажы бейнеленген картинаны табыс етті.

Қонақтармен әңгімелесу барысында Аида Ғалымқызы Мәдениет және ақпарат министрлігі еліміздің діни бірлестіктерімен, соның ішінде православие шіркеуімен әріптестік байланыс орнатып жатқанын атап өтті. Жиынға қатысушылар қоғамдағы тұрақтылықты сақтау мен қауіпсіздікті қамтамасыз етудегі бұқаралық ақпарат құралдарының рөлі және конфессияаралық және ұлтаралық араздықты тудыратын әлеуметтік желілердегі жалған ақпарат пен арандатушылық сөздерге қарсы тұруға бағытталған жұмыстың маңыздылығын қамтитын кең ауқымды мәселелерді талқылады.

Достық жағдайда өткен кездесу соңында архипастар мен министрлік басшысы бір-біріне денсаулық, жұмыстарына табыс тіледі.