Астана және Қазақстан митрополиті Александрдың Алматы қаласының әкімі Е.А. Досаевпен кездесуі өтті

3 қазан 2024 жыл. Алматы. Оңтүстік астананың әкімдігінде Астана және Қазақстан митрополиті Александр мегаполис әкімі Ерболат Асқарбекұлы Досаевпен кездесу өтті.

Қалалық атқарушы биліктің басшысы Митрополиттік округ Басшысын архипасторлық қасиетті тағайындалғанына 35 жыл толуымен құттықтады. «Сіз Қазақстан православиелік христиандарының рухани көшбасшысы ретінде қоғамдық келісімді сақтау мен нығайтуға зор үлес қосып келесіз. Сіздің басшылығыңызбен Шіркеу маңызды жетістіктерге қол жеткізді, оның ішінде Алматы діни семинариясын қайта жандануы, Митрополит Джозеф атындағы рухани-мәдени орталықтың ашылуы, Вознесенский соборын ауқымды қалпына келтірілуі, сонымен қатар ғибадатхана мен қасиетті князь Александр Невскийдің ескерткішінің салынуы», - деп атап өтті қала әкімі.

Архипастор Ерболат Асқарбекұлына биылғы жылы православиелік қазақстандықтар үшін атап өткен айтулы тарихи күн – Астана және Алматы епархиясының құрылғанына 25 жыл толуы туралы айтып берді. Билеуші Митрополит мерекеге орай Қазақстан Президенті Қ.-Ж.Қ. Тоқаев өзінің жолдаған құттықтауында: «Метрополиттік округінің гуманитарлық және ағартушылық қызметі конфессияаралық диалогты дамытуға, халқымыздың бірлігі мен ынтымағын нығайтуға құнды үлес қосып келеді» деп атап өтті.

Митрополиттік округ басшысы әкімге Мәскеу және Бүкіл Русь Әулие Патриархы Кириллдің батасымен православие халқы ерекше құрмет тұтатын Мәскеудің қасиетті Матронасының жәдігерліктерінің Қазақстанға әкелінгені туралы хабарлады. Иерарх Астанада екі күнде 20 мыңнан астам адам киелі мекенге тағзым еткенін, ал Алматыда қасиетті әулиенің жәдігерліктеріне келушілер ағыны төрт күн бойы, яғни 30 қыркүйектен бері тәулік бойына тоқтамағанын атап өтті.

Оңтүстік астананың әкімі митрополит Александрды мегаполис басшылығының қызметі, атап айтқанда, «Алматы қаласын 2025 жылға дейін дамыту бағдарламасы және 2030 жылға дейінгі орта мерзімді перспективалар» жобасының жүзеге асырылуы туралы хабардар етті. Е.А. Досаев сөзінше, «Даму бағдарламасы» 7 негізгі бағытты қамтиды: жайлы қалалық орта, тұрақты экономикалық өсу, басқарылатын урбанизация, әлеуметтік тұрақтылық және тиянақтылық, жасыл қала, Алматы  – смарт қала, қауіпсіз қала.

Кездесуде Ерболат Асқарбекұлы Алматы қаласының мәдени-туристік кластерін дамыту және діни нысандарды танымал туристік маршруттар бағдарламасына енгізу мәселелеріне тоқталды. Әкім атап өткендей, мегаполистің экономикалық дамуы оның туристік тартымдылығының өсуімен байланысты және осы мақсатта Алматыда жыл сайын қызығушылық танытатын аудиторияны, оның ішінде әлеуметтік-демографиялық сипаттамаларын, келу мақсатын және өткізу ұзақтығын жақсы түсінуге көмектесетін «Турист портреті» зерттеуі жүргізілетіндігін айтты.

Кездесуге қатысушылар өзара ортақ мәселелердің кең ауқымын талқылады. Қала әкімдігі мен Алматы епархиясының қала тұрғындарының рухани-адамгершілік негіздерін нығайту және мәдени-тарихи мұраны сақтаудағы ынтымақтастығы туралы әңгіме жүргізді.

Республиканың атқарушы билігі мен жетекші дәстүрлі конфессиялары – ханафи мәзһабындағы ислам мен православиелік христиандық арасындағы сындарлы диалог мегаполисте дінаралық татулық пен ұлтаралық келісімді сақтаудың таптырмас шарты -өз кезегінде әлеуметтік-экономикалық дамудың маңызды факторларының бірі болып табылатындығы атап өтілді.

Достық жағдайда өткен кездесі соңында митрополит Александр мен Ерболат Асқарбекұлы бір-біріне денсаулық, жұмыстарына табыс тіледі.

Әкім митрополиттік округ басшысына сыйлық ретінде белгілі қазақстандық суретші А.Ф. Уткинаның Алматы пейзажы бейнеленген суретін табыс етті.