9 қазан 2024 жыл. Астана. Ресей Федерациясы Мемлекеттік Думасының туризм және туристік инфрақұрылымды дамыту комитетінің төрағасы Сангаджи Андреевич Тарбаев Қазақстан астанасының ең көне ғибадатханасы – апостолдарға тең император Константин мен оның анасы Елена патшайымның атындағы соборға келді.
Қонақты Астана приходтарының құрметті өкілі архимандрит Сергий (Қарамышев) және құрметті өкілдің көмекшісі иерей Сергий Дианов қарсы алды.
Туризм комитетінің төрағасымен бірге Астанадағы Орыс Үйінің басшысы Каймашников Сергей Александрович болды.
Архимандрит Сергий С.А. Тарбаевқа ғибадатхананы аралатып, биыл собордың құрылғанына 170 жыл толғанын атап өтті. Қонаққа ғибадатхананың қасиеттілері, оның ішінде Құдай Ананың ғажайып Целиноград-Почаев иконасы мен апостолдарға тең патшалар Константин мен Еленаның бейнесі олардың жәдігерліктерімен көрсетілді.
Құрметті әке ресейлік парламентарийге жаңадан салынған рухани-мәдени орталықты көрсетіп, приходтың тыныс-тіршілігі, балалар мен жасөспірімдерге арналған жексенбілік мектептің қызметі мен қоғамдық жұмыстар туралы айтып берді.
Архимандрит Сергий келген қонаққа Астана және Қазақстан митрополиті Александрдың ізгі тілектерін жеткізіп, естелік ретінде Митрополиттік округ басшысының «Орталық Азиядағы христиан дінінің тарихы» атты жаңа кітабын сыйға тартты.
Басты бет
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр