Қазақстан Митрополиттік округінің епархиялары Жеңіс күнін атап өтті

Қазақстан Митрополиттік округінің епархияларында Ұлы Отан соғысындағы Жеңістің 80 жылдығына және Мәсіхтің Жарқын Қайта тірілу мерекесіне арналған концерттер өтті.

Қарағанды  епархиясы

9 мамыр 2025 жылы Қарағанды ​​қаласындағы Введенский кафедралды соборының акт залында мерекелік концерт өтті.

Жиналғандарға Қарағанды ​және  Шахтинск архиепископы Севастиан құттықтау сөзін сөйледі.

Іс-шараға қатысқандар: В.Тесленко жетекшілік ететін Қарағанды ​​епархиясының құрама хоры; «Казак еріктісі» халық ән және би ансамблі; «Аңсау» вокалды-аспаптық ансамблі, Қазақстанның Кеншілер астанасының жексенбілік мектептері мен жасөспірімдер клубтарының тәрбиеленушілері.

Кеш соңында барлық қатысушыларға естелік сыйлықтар табыс етілді.

Собор алаңында далалық асхана орнатылды, онда барлығы сарбаз ботқасын, сондай-ақ ыстық шай мен тәттілерден дәм татты.

Петропавл епархиясы

10 мамырда Петропавл қаласындағы Вознесенский кафедралды соборындағы рухани-әкімшілік орталығында салтанатты концерт өтті.

Музыкалық фестивальдің қонақтары болғандар: епархия басқармасының хатшысы протоиерей Сергий Первушин; Петропавл епархиясының дін қызметкерлері; шығармашылық интеллигенция өкілдері; Петропавл қаласындағы жексенбілік мектеп тәрбиеленушілері, шіркеулердің приходтары; Ұлы Отан соғысының ардагерлері мен тыл еңбеккерлері.

Мерекелік іс-шараға қатысқандар: «Северная звезда» вокалдық ансамблі; «Favorite voice» ансамблі, «Шабыт» ансамблі, Петропавл қаласының жексенбілік мектептерінің, жасөспірімдер клубтарының тәрбиеленушілері мен вокалистері.

Жиналғандарға музыкалық, хор және би нөмірлерінен тұратын ашық концерттік бағдарлама ұсынылды.

Өскемен епархиясы

11 мамырда мерекелік концерт Өскемен қаласындағы Андреевский кафедралды соборының жанындағы алаңда өтті.

Шығармашылық іс-шараның көрермендері болғандар: Өскемен және Семей архиепископы Амфилохий; Андреевский соборының кілтшісі иеромонах Никодим (Авдеев); епархияның хатшысы, диакон Илья Кван; кафедралды собордың діни қауымы; қалалық шіркеулердің приходтары.

Мерекелік шараға Өскемен қаласының Орталық жексенбілік мектебінің тәрбиеленушілері мен Андреевский соборының клиригі  протодиакон Андрей Дудник қатысты.

Қатысушылардың назарына шіркеу әндері, өлең оқулары, театрландырылған қойылымдар, соғыс кезіндегі әндер мен хор нөмірлері кіретін концерттік бағдарлама ұсынылды.

Іс-шара соңында архиепископ Амфилохий Орталық жексенбілік мектебінің ұстаздары мен тәрбиеленушілеріне еңбектері үшін алғыс айтып, жиналғандарды Мәсіхтің Жарқын Қайта тірілу мерекесімен және Ұлы Жеңіс күнімен құттықтады.