Оңтүстік астанада Халықаралық балаларды қорғау күніне орай «Бесік арбалар маршы» өтті

1 маусым  2025 жыл. Алматы. Астана және Қазақстан Митрополиті Александрдың батасымен Вознеский соборының алдындағы 28-Гвардияшылар Панфиловшылар атындағы саябағында Халықаралық балаларды қорғау күніне арналған «Бесік арбалар маршы» сайысы өтті.

Іс-шараның негізгі тапсырмалары – қоғам назарын адам өмірінің құндылығына бала туылған сәттен аудару, рухани-адамгершілік құндылықтар мен отбасы институтын нығайту, туу деңгейін қолдау.

Іс-шараны ұйымдастырғандар: Қазақстан Митрополиті округінің қоғаммен байланыс бөлімі, «Сен әлемге керексің» қозғалысы және Алматы епархиясының православ жастар қозғалысы.

Мерекелік шараға қатысқандар: Вознесенский кафедралды соборының кілтшісі, Митрополитік округтік қоғаммен байланыс бөлімінің басшысы протоиерей Александр Суворов; Вознесенский соборы кілтшісінің орынбасары иерей Андрей Шкляр; қалалық шіркеулердің приходтарының отбасылары, сондай-ақ Оңтүстік астана тұрғындары мен қонақтары.

«Бесік арбалар маршына» 100-ден астам адам қатысты. 

Мерекелік шара басталар алдында протоиерей Александр Суворов құттықтау сөзін сөйледі. Оңтүстік астананың бас шіркеуінің кілтшісі жиналғандарды Халықаралық балаларды қорғау күнімен құттықтап, қазіргі қоғамдағы отбасылық құндылықтарды сақтаудың маңыздылығын атап өтті.

Содан кейін собордың айналасында әшекейленген арбалары бар жарысқа қатысушы отбасылардың салтанатты шеруі болды. 

Іс-шараның жас қатысушылары үшін шеберлік сабақтары, ойындар, шығармашылық байқаулар және тақырыптық ойын-сауықтар өтті.

Қазылар алқасы мүшелерінің жасырын дауыс беруінің қорытындысы бойынша байқау жеңімпаздары атанғандар:

• «Ең экологиялық таза бесік арбасы» номинациясы бойынша – Голубенко Василина;
• «Ең креативті бесік арбасы» номинациясы бойынша - Ольга Пискунова; 
• «Супер-Отбасы» номинациясы бойынша - Маргарита Громенко.

Іс-шара соңында жеңімпаздарға «Детский мир» дүкендер желісіндегі дүкендерге сертификаттар табыс етілді, ал байқаудың барлық қатысушылары естелік сыйлықтарға ие болды. 

Іс-шараны «Комсомольская правда», «El.kz», «Almalife» ақпараттық агенттіктері, сондай-ақ зайырлы және шіркеу журналистері жариялады.