Петропавл және Булаев архиепископы Владимир Солтүстік Қазақстан облысы Қазақстан халқы Ассамблеясының ХХІХ сессиясына қатысты

20 тамыз 2025 жыл. Петропавл. Солтүстік Қазақстан облысы әкімшілігінің  ғимаратында Қазақстан халқы Ассамблеясының ХХІХ облыстық сессиясы өтті. 

Отырысқа қатысқандар: Петропавл және Булаев архиепископы Владимир , Солтүстік Қазақстан облысының әкімі Г.Т. Нұрмұхамбетов, Қазақстан халқы Ассамблеясы төрағасының орынбасары М.Ә.Әзілханов, Петропавл епархиясының діни білім және катехизации бөлімінің басшысы И.С. Ұланов, облыстың діни бірлестіктер мен этномәдени орталықтарының өкілдері.

Жиын барысында ұлттық бірлікті нығайту, ақпараттық-түсіндіру жұмыстарының тиімділігін арттыру, ҚХА жобаларын жүзеге асыруға азаматтық қоғам институттарын тарту, этномедиация институтын дамытуға қатысты мәселелер талқыланды.

Іс-шара соңында облыстағы бірлік пен келісімді нығайтуға қосқан үлесі үшін Қазақстан халқы Ассамблеясының белсенді қатысушыларын Алғыс хаттармен және «Алғыс» төсбелгісімен марапаттау рәсімі өтті. Марапатталғандардың қатарында болғандар: Петропавл епархиясының діни білім беру және катехизации бөлімінің меңгерушісі И.С. Ұланов.