5 қараша 2026 жыл. Талдықорған. Тілдер сарайында Жетісу облысы діни бірлестіктері басшылары клубының IV отырысы өтті.
Іс-шараны ұйымдастыруға Жетісу облысы әкімдігінің Дін істері басқармасы бастамашы болды. Отырыс облыс әкімінің орынбасары Д.Р. Есдәулетовтің төрағалығымен өтті.
Астана және Қазақстан митрополиті Александрдың батасымен форумға қатысқандар:Астана епархиясының викарийі, Талдықорған епископы Клавдиан, Талдықорған қаласындағы Иоанн Богослов кафедралды соборының кілтшісі иерей Александр Матлашов, собор клиригі иерей Игорь Лазгиев, Талдықорған қаласындағы бас ғибадатхананың жексенбілік мектебінің директоры Л.Т. Зайцева және собор қызметкері П.С. Синенко.
Жиналғандарға құттықтау сөзін епископ Клавдиан арнады. Өз сөзінде архипастырь Қазақстан Республикасының Президенті Қ.-Ж.Қ. Тоқаевтың жыл сайынғы Жолдауында айтылған бастамалардың маңыздылығын атап өтіп, қоғамды дамыту, бейбітшілік пен келісімді нығайту жолында мемлекет пен діни бірлестіктер өкілдерінің бірлескен күш-жігерінің маңызын ерекше атап көрсетті.
Одан әрі отырысқа қатысушылар мемлекеттік органдар мен діни бірлестіктер арасындағы өзара іс-қимыл мәселелерін, сондай-ақ діни қауымдастықтардың өңірдің рухани және қоғамдық өміріне қосып отырған үлесін талқылады.
Іс-шара соңында Жетісу облысы әкімінің Алғыс хаттарымен дін және қоғам қайраткерлерін марапаттау рәсімі өтті. Марапатталғандардың қатарында Балпық би ауылының Сретение приходының басқарушысы протоиерей Юрий Дидичин мен Иоанн Богослов кафедралды соборының клиригі иерей Игорь Лазгиев болды.
Кездесу аясында діни бірлестіктер командалары арасында ұлттық тағамдарды таныстыру мен шығармашылық өнер көрсетуді қамтыған сайыс та ұйымдастырылды. Байқау қорытындысы бойынша Иоанн Богослов кафедралды соборының «Светоч» командасы үшінші орынға ие болды.
Құдайдың Архистратигі Михаил мен өзге де Көктегі тәнсіз күштер мерекесінде митрополит Александр Мәскеу қаласындағы Қазақстан Митрополиттік округі Өкілдігінің храмында Литургияны өткізді
Толығырақ
«Eleos-Meirim» қоғамдық қорының президенті В.М. Капсамунның Алматы православие рухани семинариясының әкімшілігі және педагогикалық ұжымымен кездесуі өтті
Толығырақ
Ресей Православие Шіркеуінің Қасиетті Синод мүшелерінің Мәскеу және бүкіл Русь Патриархы Кириллді 80 жасқа толуына орай құттықтауы
Толығырақ
Пікір жазу үшін жүйеге кіріңіз немесе тіркеліңіз!
Пікіріңіз сәтті қосылды және оны қазір сайт әкімшілігі қарастырып жатыр