Алматыда «Шығыс пен Батыстағы дін философиясы» атты IV Халықаралық ғылыми конференция өтеді

2026 жылғы 27 сәуір мен 2 мамыр аралығында Астана және Қазақстан митрополиті Александрдың батасымен Алматыда «Шығыс пен Батыстағы дін философиясы» атты IV Халықаралық ғылыми конференция өтеді.

Конференцияның ұйымдастырушылары: Алматы православиелік рухани семинариясы (Қазақстан) және Польшадағы Краков қаласындағы Иоанн Павел II атындағы Папалық университеті.

Ғылыми форум Қазақстан, Ресей, Польша, Италия, Ұлыбритания, АҚШ, Швейцария, Өзбекстан және Қырғызстаннан келген зерттеушілерді біріктіреді.

Конференцияның пленарлық отырысы 28 сәуір күні Әшімбаев көшесі, 26 мекенжайындағы «Тақ залында» ашылады. Отырыста баяндамамен Астана және Қазақстан митрополиті Александр және Орыс Православие Шіркеуінің Синодтық библиялық-богословиялық комиссиясы Хатшылығының ғылыми қызметкері Александр Иванович Кырлежев сөз сөйлейді.

Конференция жұмысы үш секция аясында өтеді:

«Шығыс пен Батыстағы дін тілдері және діни тәжірибе формалары»;

«Дін философиясы және постсекулярлық дискурстар: тәжірибе, сын және интерпретациялар»;

«XIX–XX ғасырлардағы Ресейдегі дін философиясы және діни-философиялық ой».

Форум бағдарламасында сондай-ақ қатысушылардың ғылыми басылымдарының тұсаукесері, 2026 жылғы 14 сәуірде Оңтүстік астанада ашылған митрополит Иосифтің (Чернов) мемориалдық үй-музейіне экскурсия және 2027 жылға жоспарланған келесі конференцияның тұжырымдамасын талқылау қарастырылған.

Ғылыми форумның алдын ала бағдарламасымен, тақырыптарымен, сондай-ақ конференцияға қатысу ережелерімен төменде тіркелген құжаттан танысуға болады.