Митрополит Александр Петропавл қаласындағы гуманитарлық-техникалық колледж бен қасиетті Сергий Радонежский атындағы гимназияда болды

28 сәуір 2026 жыл. Петропавл. Астана және Қазақстан митрополиті Александр Петропавл және Булаев архиепископы Владимир және дін қызметкерлерінің сүйемелдеуімен қасиетті Сергий Радонежский атындағы гимназияның орта және жоғары буындары орналасқан гуманитарлық-техникалық колледжде болды.

Қазақстан Православие Шіркеуінің Басшысымен бірге оқу орындарының тыныс-тіршілігімен «Eleos-Meirim» қоғамдық қорының президенті В.М. Капсамун танысты.

Қонақтарды холлда ұстаздар мен студенттер қарсы алды. Училище мен гимназияның директоры болып табылатын архиепископ Владимир экскурсия жүргізіп, оның барысында әмірші митрополитке және Валерий Михайловичке білім беру мекемелерінің тарихы, қазіргі тыныс-тіршілігі, сондай-ақ колледж қабырғасында студенттер игеріп жатқан мамандықтар туралы айтып берді.

Петропавл епархиясының басқарушысы Митрополиттік округтің Басшысы мен «Eleos-Meirim» қорының президентіне бірнеше жыл бұрын қайырымдылық жасаушылардың қолдауымен сәулет ескерткіші болып табылатын колледж ғимаратында күрделі жөндеу жүргізілгенін хабарлады: шатыры жаңартылып жабылды, электр желілері, жылыту және кәріз жүйелері ауыстырылды, баспалдақ алаңдары, аудиториялар мен шаруашылық бөлмелер жөнделді, 200 орындық асхана жабдықталды. Ал жуырда, архипастырьдің айтуынша, кіреберіс бөлігі қалпына келтірілді.

«Мұнда жоғары білікті оқытушылар еңбек етеді, олар жастарға болашақ өмірге қажетті кәсіби білім беруге тырысады», – деп атап өтті Жоғары мәртебелі Владимир.

Митрополит Александр гуманитарлық-техникалық колледж педагогтері мен студенттерінің жетістіктері Қазақстанның болашағына, азаматтық қоғамның дамуына, еліміздің экономикасы мен рухани-мәдени келбетінің қалыптасуына қосылған үлес екенін атап өтті. Өйткені бүгін мамандық игеріп жатқан жастар ертең қала, өңір және Республика дамуының бағытын айқындайды.

Митрополиттік округтің Басшысы басшылық құрамға, ұстаздар мен білім алушыларға еңбектерінде Құдайдың жәрдемін, зор денсаулық және кәсіби табыстар тіледі.

Архиепископ Владимир қонақтарға қасиетті Сергий Радонежский атындағы гимназияның қызметі туралы айтып, оқу үдерісінің жүргізілуімен таныстырды және спорт залын салу жоспарларымен бөлісті. Қазақстан Православие Шіркеуінің Басшысы және В.М. Капсамун ұстаздармен және тәрбиеленушілермен сұхбаттасып, сыныптар мен мектеп кітапханасын аралады. Әмірші митрополит сапар қатысушыларына 2018 жылы Митрополиттік округ Синодының шешімімен гимназия Верный епископы, қасиетті мойындаушы Пимен орденімен марапатталғанын еске салды.

Бастауыш сыныптар орналасқан корпусқа жасалған экскурсия барысында Петропавлдағы жекеменшік гимназияда әзірленген әдістемелер мен жинақталған тәрбиелік тәжірибе Қазақстандағы жексенбілік мектептер мен жастар клубтарында балалар және жасөспірімдермен жұмыс істеуде сұранысқа ие болып, табысты қолданылуы мүмкін екені атап өтілді.

Білім алушылар митрополит Александр мен қонақтарға Пасха мерекесіне арналған концерттік бағдарламаларын ұсынды.