Оңтүстік астанада иерей Павел Островскиймен кездесу өтті

29 шілде 2026 жыл. Алматы. Астана және Қазақстан митрополиті Александрдың батасымен Вознесенский кафедралды соборы жанындағы «Қазақстан халықтарының аңыздары» саябағында белгілі уағызшы, миссионер және православиелік блогер иерей Павел Островскиймен кездесу өтті.

Іс-шара «Eleos-Meirim» қоғамдық қорының (президенті – В.М. Капсамун) қолдауымен ұйымдастырылды.

Әкей Павел Островский – Мәскеу облысының Нахабино кентіндегі Георгий храмының басшысы, бірнеше кітаптың және көптеген ағартушылық жобалардың авторы. Дін қызметкері Қазақстанға 30 шілде мен 3 тамыз аралығында Алматы облысының Қолды ауылында өтетін «Аспан. Адам. Дала» Еуразиялық православиелік жастар форумына қатысу үшін келді.

Кездесуге қатысқандар: Алматы епархиясы храмдарының дін қызметкерлері мен прихожандары, православиелік жастар клубтарының мүшелері, қалалық жексенбілік мектептердің оқытушылары мен шәкірттері, сондай-ақ бұқаралық ақпарат құралдарының өкілдері.

Әңгіме барысында иерей Павел қазіргі заманның өзекті сын-қатерлеріне қатысты мәселелерді қозғады. Ақпараттық технологиялар мен жасанды интеллекттің қарқынды дамуының адам өміріне ықпалына, адамдар арасындағы шынайы қарым-қатынасты, отбасы құндылықтарын және қазіргі қоғамдағы христиандық куәлікті сақтаудың маңыздылығына ерекше назар аударылды.

Іс-шараның негізгі бөлімі ашық диалог форматында өтті. Қатысушылар дін қызметкеріне рухани өмірге, отбасылық қарым-қатынастарға және балалар тәрбиесіне қатысты өздерін толғандырған сұрақтарын қою мүмкіндігіне ие болды.

Кездесу соңында әкей Павел жиналғандарға жылы жүздесу үшін алғысын айтып, баршаға Құдайдың жәрдемі мен жарылқауын тіледі.

Іс-шараға 600-ден астам адам қатысты.