Қазақстан Православие Шіркеуінің Басшысы «Болашақ ойындары – 2026» халықаралық турнирінің салтанатты ашылуына қатысты

29 шілде 2026 жыл. Астана. Қазақстан Республикасының астанасында әлемнің 50-ден астам елінен келген үздік командаларды біріктірген «Болашақ ойындары – 2026» (GOTF 2026) халықаралық турнирі басталды. Қатысушылар Counter-Strike 2 және Dota 2 ойындарынан бастап фиджитал-футбол мен фиджитал-баскетболға дейінгі сегіз дисциплина бойынша жеңіс үшін бақ сынайды.

«Болашақ ойындары» – дәстүрлі спортты, киберспортты және фиджитал-дисциплиналарды біріктіретін халықаралық турнир. Оған әлемнің 50-ден астам елінен келген үздік командалар мен спортшылар қатысып, Counter-Strike 2, Dota 2, PUBG Mobile, Mobile Legends: Bang Bang, фиджитал-футбол, фиджитал-баскетбол, фиджитал-шутер және фиджитал-билер (Just Dance) бойынша сынға түседі.

Халықаралық мультиспорттық турнирдің ашылу салтанатында Қазақстан Республикасының Президенті Қасым-Жомарт Кемелұлы Тоқаев сөз сөйледі. «Барыс Арена» стадионында өткен салтанатты рәсімнің құрметті қонақтары қатарында Өзбекстан Республикасының Президенті Шавкат Мирзиёев, Қырғыз Республикасының Президенті Садыр Жапаров, Тәжікстан Республикасының Президенті Эмомали Рахмон және басқа да ресми тұлғалар болды.

Турнирдің ашылуында Ресей Федерациясының Президенті Владимир Владимирович Путиннің қатысушыларға арнаған бейнеүндеуі көрсетілді.

Құрметті қонақтардың қатарында Ресей Федерациясы Үкіметі Төрағасының орынбасары Д.Н. Чернышенко және Қазақстан Православие Шіркеуінің Басшысы, Астана және Қазақстан митрополиті Александр болды.

Іс-шараға сондай-ақ Ресей Федерациясының Қазақстан Республикасындағы Төтенше және Өкілетті Елшісі Алексей Бородавкин, Ресейдің спорт министрі, Ресей Олимпиада комитетінің төрағасы Михаил Дегтярев, Халықаралық бокс қауымдастығының президенті Умар Кремлев қатысты.

Астана алғаш рет киберспортты, дәстүрлі спорт түрлерін және заманауи технологияларды біріктіретін халықаралық турнирдің алаңына айналды. Биылғы жарыстарға 34 елден 800-ден астам спортшы қатысуда. Елордадағы сайыстар фиджитал-футбол, фиджитал-баскетбол, фиджитал-жекпе-жек, фиджитал-шутер, фиджитал-билер, Dota 2, Mobile Legends: Bang Bang және PUBG: Battlegrounds бойынша өткізіледі.